Almaty oblysynda esirtki óndirisi boiynsha izdeýde júrgen kúdikti qamaýǵa alyndy, – dep habarlaidy Polisia.kz.
Maýsym aiynyń sońynda Almaty oblysynyń Esirtkige qarsy kúres basqarmasynyń qyzmetkerleri Azat aýylyndaǵy esirtki zerthanasyn joidy.
Qylmysker sintetikalyq esirtki óndiretin úidi jalǵa alǵan. Kútpegen qonaqtardy boldyrmas úshin uialy telefon arqyly baqylaý múmkindigi bar jasyryn beinekameralar ornatqan.
Qylmys ornyna qaita oralǵan jigit politseilerdiń baqylaýyna túsip qalǵanyn sezip, daiyn preparattardy, himiialyq zattardy jáne olardy óndirýge arnalǵan qural-jabdyqtardy tastap qashyp ketken.
"Oqiǵa ornynda barlyǵy 75 gramnan astam "jyldamdyq" dep atalatyn daiyn sintetikalyq esirtki, sondai-aq psihoaktivti zattardy sintezdeý úshin paidalanylǵan 4,5 keliden astam prekýrsorlar tárkilendi. Jinalǵan dáleldemeler, úi iesiniń jáne kórshileriniń aiǵaqtary qylmyskerdiń jeke basyn anyqtaýǵa múmkindik berdi.
Kúdiktiniń bailanys sheńberi anyqtalyp, onyń telefonynyń derekteri, jii baratyn jerleri belgili boldy. Onyń kinásin dáleldeýmen qatar, uzaq baqylaýdyń taǵy bir maqsaty boldy. Jedel qyzmetkerler kúdiktiniń taǵy bir esirtki óndirisin uiymdastyrǵan-uiymdastyrmaǵanyn anyqtaýy kerek edi. Tolyq dáleldemelerdi alyp, elden qashýdy josparlap otyrǵanyn túsingendikten, ol Eńbekshiqazaq aýdany Áimen aýylynda ustaldy. Tintý kezinde ustalǵan azamattan 10 gramǵa jýyq mefedron tárkilendi" - delingen habarlamada.
IIM Esirtki qylmysyna qarsy is-qimyl departamentiniń bastyǵy Qajyǵali Imajanovtyń túsindirýinshe, politsiia jyl basynan beri 23 esirtki zerthanasyn joidy. Salystyrý úshin aita keteiik, ótken jyly 13 jasyryn dári-dármek óndiretin kásiporyn anyqtaldy. Zańsyz ainalymnan 110 keliden astam sintetika tárkilendi, bul 2021 jylmen salystyrǵanda eki ese kóp.
Esterińizge sala keteiik, 2021 jyldyń qazan aiynan bastap sintetika kúshti esirtkige teńestirildi. Olardy saqtaǵany úshin qylmystyq jaýapkershilik 1 gramnan (buryn 50 gramnan) bastalady. Bul fakti boiynsha ustalǵan azamat múlki tárkilenip, 10 jyldan 15 jylǵa deiin bas bostandyǵynan aiyrylýy múmkin.
