© Photo : pixabay/Jason Gillman
Almaty oblysy Eńbekshiqazaq aýdany Aqbastaý aýylynda er adam áielin atyp óltirdi, dep habarlaidy Sputnik Qazaqstan.
Qaiǵyly oqiǵa týraly Dina Tańsáriniń áleýmettik jelidegi paraqshasynda jariialanǵan. Ondaǵy aqparatqa sáikes, 19 qarashada Eńbekshiqazaq aýdany Aqbastaý aýylynyń 47 jastaǵy turǵyny áielin atyp óltirgen.
Áiel joldyń kelesi jaǵynda turatyn óz anasynyń úiine ketken. Kúieýi artynan baryp, sol jerde oq atqan. Marqumnyń artynda úsh balasy qaldy, biri - mektep oqýshysy.
Ishki ister ministrligi atalǵan fakt boiynsha qylmystyq is qozǵalǵanyn málimdedi.
"Politsiia bóliminiń tergeýshileri adamdy qasaqana óltirgen 47 jastaǵy jergilikti turǵynǵa qatysty sotqa deiingi tergeý júrgizýdi bastady. Sol kúni kúdikti ustalyp, qamaýǵa alyndy. Qylmys quraly - kúdiktige tiesili ańshylyq atys qarýy tárkilendi. Qylmystyq isti tergeý barysy men nátijeleri oblystyq politsiia departamentiniń baqylaýynda", - delingen habarlamada.
