videodan alynǵan kadr
Almaty oblysynyń politseileri bankomattan aqsha urlaǵan kúdiktilerdi qolǵa túsirdi, dep habarlaidy "Ult aqparat" Polisia.kz Telegram-arnasyna silteme jasap.
14 tamyz saǵat 13:42-de Qarasai aýdanynyń politsiia bólimine 1988 jyly týǵan A. esimdi azamatsha saǵat 08:00 shamasynda meditsinalyq maska kigen belgisiz adamdar Almalybaq aýylynda ornalasqan bankomattan kiltti tańdaý arqyly 12 mln 882 myń teńge kóleminde aqsha urlaǵany týraly aryz túsirgen.
"Atalǵan derek QR Qylmystyq kodeksiniń 188-baby 4-bóligi boiynsha aýdandyq politsiiada tirkeldi. A. esimdi eki kúdikti ustaldy. Olar 1998 jáne 1999 jyldary dúniege kelgen Qaskeleń qalasynyń turǵyndary bolyp shyqty.
Olar ýaqytsha ustaý izoliatoryna qamaldy. Tergeý barysynda urlanǵan aqsha túrindegi zattai dáleldemeler alynyp, is materialdaryna qosa tirkeldi" - delingen habarlamada.
Qazirgi ýaqytta saraptamalyq tekserýler taǵaiyndaýmen qajetti tergeý amaldary júrgizilip jatyr. Kúdiktilerdiń osyndai basqa da qylmystarǵa qatysy bar-joǵy tekserilmek.
