Almaty oblysynda butalardyń arasynan qarý-jaraq saqtalǵan oryn tabyldy, dep habarlaidy "Ult aqparat" Polisia.kz Telegram-arnasyna silteme jasap.
"2 jeltoqsan saǵat 19:15 shamasynda jedel-izdestirý is-sharalaryn júrgizý barysynda oblystyq Politsiia departamenti Uiymdasqan qylmysqa qarsy kúres basqarmasy jáne UQKD qyzmetkerleri birlesip, qarý-jaraq saqtalǵan oryndy tapty.
Talǵar aýdanynyń aýmaǵynda Almalyq aýylyna jetpei joldyń janyndaǵy butalardyń arasynan qytai jol sómkesi tabyldy. Onyń ishinen 7,62 mm kalibrli bir ańshylyq myltyq, kesilgen tegis uńǵyly qarýdyń eki danasy, pnevmatikalyq tapansha, oq-dáriler jáne 115 túrli patron anyqtaldy" - delingen habarlamada.
Atalǵan fakt Talǵar aýdanynyń politsiiasynda tirkeldi. Tergeý áreketteri júrgizilip, qajetti saraptamalar taǵaiyndaldy.
