Almaty oblysynda bir táýlik ishinde 1000-nan astam quqyq buzýshylyq áshkerelendi, -dep habarlaidy "Ult aqparat".
«Quqyqtyq tártip» jedel-aldyn alý is-sharasy barysynda tártip saqshylarynyń bir kúndik qyzmetiniń nátijesi osyndai boldy.
Is-shara qoǵamdyq tártipti saqtaýǵa, kósheler men qoǵamdyq oryndardaǵy qylmystardyń aldyn alýǵa jáne onyń jolyn kesýge baǵyttalǵan.
«Bul kúnderi Almaty oblysynyń politsiia qyzmetteri men bólimsheleriniń jeke quramy kúsheitilgen tártipte qyzmet atqarýda. Barlyq jerde ár aýdannyń politsiia basqarmalarynda politsiianyń keshendi jáne berilgen kúshteriniń biryńǵai taratylymy júrgiziledi. Ol jerde komandirler olardy ýchaskedegi aǵymdaǵy kriminogendik jaǵdai týraly mindetti túrde habardar etedi, ashylmaǵan qylmystar boiynsha baǵdar beredi, sondai-aq, ádette, kósheler men qoǵamdyq oryndarda jasalatyn ákimshilik buzýshylyqtardyń aldyn alý jáne anyqtaý boiynsha mindetter qoiady. Naqty aitsaq, oblys boiynsha kezekshi táýlik ishinde saptyq jáne jedel bólimshelerdiń kúshimen 32 qylmystyń «izi sýymai» jáne buryn jasalǵan 19 qylmys ashyldy. Olardyń qatarynda tonaý, buzaqylyq, esirtki zattaryn satý, bótenniń múlkin urlaý, zorlaý, alaiaqtyq, sýyq jáne atys qarýyn zańsyz saqtaý faktileri, ózgeniń kóligin aidap áketý jáne t.b. bar», - dedi Almaty oblysy PD bastyǵynyń birinshi orynbasary politsiia podpolkovnigi Serik Júnisbekov.
Sonymen qatar, politsiia quqyq buzýshylyq jasaǵany úshin 1029 adamnyń ákimshilik jaýapkershilikke tartylǵanyn habarlady. Olardyń eń kóp tirkelgen quqyq buzýshylyqtardyń biri – usaq buzaqylyq jáne qoǵamdyq oryndarda spirttik ishimdikter ishý.
«Osy jumys aiasynda árbir aýlany aralaý júzege asyrylady. Sonymen qatar, jedel-profilaktikalyq is-sharalar kezinde jergilikti politseiler mindetti túrde esepke alynǵan jáne buryn sottalǵan azamattardy, al iývenaldy politsiia qyzmetkerleri turmysy tómen otbasylardy tekseredi. Keshendi negizde bul jumys oblystaǵy kriminogendik jaǵdaidy aitarlyqtai jaqsartýǵa, sondai-aq kez kelgen sipattaǵy quqyq buzýshylyqtyń aldyn alýǵa múmkindik beredi», - dep qorytyndylady podpolkovnik Serik Júnisbekov.
