Almaty mańynda tapa - tal túste qoǵamdyq kólik júrgizýshisine qaraqshylyq shabýyl jasaǵandar ustaldy, dep habarlaidy "Ult aqparat".
20 jeltoqsan kúni eki jas jigit Ile aýdanyna qarasty Jetigen aýylynda avtobýs júrgizýshisin soqqyǵa jyqqan. Bul fakt Ile aýdandyq politsiia basqarmasynda tirkeldi.
«Tekserý barysynda júrgizýshi men jolaýshy arasynda janjal týyndaǵany anyqtaldy. Onyń sońy tóbeleske ulasqan. Osydan keiin jolaýshy ulyna qońyraý shalyp, ony shaqyrǵan. Oqiǵa ornyna dosymen kelgen uly avtobýs júrgizýshisin soqqynyń astyna alǵan. Kúdiktiler qamaldy. Olar Talǵar aýdany, Nura aýylynyń turǵyndary - jolaýshynyń 28 jastaǵy uly men onyń 21 jastaǵy dosy bolyp shyqty»,– dep habarlady politsiiadan.
Sot-meditsinalyq saraptamanyń qorytyndysyna sáikes, qoǵamdyq kólik júrgizýshisiniń densaýlyǵyna azdap ziian kelgen. Materialdar QR Ákimshilik quqyq buzýshylyq týraly kodeksiniń 73-1 baby boiynsha sotqa sheshim qabyldaý úshin jiberildi. Ustalǵandar avtobýs júrgizýshisinen keshirim surady.
