الماتى ماڭىندا تاپا - تال تٷستە قوعامدىق كٶلٸك جٷرگٸزۋشٸسٸنە قاراقشىلىق شابۋىل جاساعاندار ۇستالدى, دەپ حابارلايدى "ۇلت اقپارات".
20 جەلتوقسان كٷنٸ ەكٸ جاس جٸگٸت ٸلە اۋدانىنا قاراستى جەتٸگەن اۋىلىندا اۆتوبۋس جٷرگٸزۋشٸسٸن سوققىعا جىققان. بۇل فاكت ٸلە اۋداندىق پوليتسييا باسقارماسىندا تٸركەلدٸ.
«تەكسەرۋ بارىسىندا جٷرگٸزۋشٸ مەن جولاۋشى اراسىندا جانجال تۋىنداعانى انىقتالدى. ونىڭ سوڭى تٶبەلەسكە ۇلاسقان. وسىدان كەيٸن جولاۋشى ۇلىنا قوڭىراۋ شالىپ, ونى شاقىرعان. وقيعا ورنىنا دوسىمەن كەلگەن ۇلى اۆتوبۋس جٷرگٸزۋشٸسٸن سوققىنىڭ استىنا العان. كٷدٸكتٸلەر قامالدى. ولار تالعار اۋدانى, نۇرا اۋىلىنىڭ تۇرعىندارى - جولاۋشىنىڭ 28 جاستاعى ۇلى مەن ونىڭ 21 جاستاعى دوسى بولىپ شىقتى»,– دەپ حابارلادى پوليتسييادان.
سوت-مەديتسينالىق ساراپتامانىڭ قورىتىندىسىنا سەيكەس, قوعامدىق كٶلٸك جٷرگٸزۋشٸسٸنٸڭ دەنساۋلىعىنا ازداپ زييان كەلگەن. ماتەريالدار قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 73-1 بابى بويىنشا سوتقا شەشٸم قابىلداۋ ٷشٸن جٸبەرٸلدٸ. ۇستالعاندار اۆتوبۋس جٷرگٸزۋشٸسٸنەن كەشٸرٸم سۇرادى.
