Almaty oblysynyń politseileri esirtki zerthanasyn aýyzdyqtady, dep habarlaidy "Ult aqparat" Polisia.kz resýrsyna silteme jasap.
Esirtki biznesine qarsy kúres basqarmasynyń qyzmetkerleri jedel aqparat boiynsha Ile aýdanynyń A. esimdi turǵyny esirtki zatyn shyǵaryp, taratýmen ainalysqanyn anyqtady. Jedel-izdestirý kezinde saraptama aktilerimen belgilengen «marihýana» esirtki zaty bar 8 sirińke qoraby tárkilendi.
Atalǵan derek sotqa deiingi tergep-tekserýdiń biryńǵai tiziliminde Qylmystyq kodekstiń 297-baby 1-bóligi boiynsha tirkelgen.
«Sanktsiialanǵan tintý kezinde Ile aýdanynyń 47 jastaǵy azamatynyń úiiniń ekinshi qabatynan «marihýana» ósirip, daiyndap, taratatyn zerthana tabyldy. Úidiń ekinshi qabaty mikroklimat qurý maqsatynda kún batareialarynyń kómegimen qosymsha jylytylǵan. Tintý barysynda salmaǵy 26 kg jýyq 47 buta, 295 orama jáne salmaǵy 8,5 kilogramm daiyn eki qap «marihýana» tabyldy jáne tárkilendi. Esirtki ósirý, asa iri mólsherde daiyndaý jáne saqtaý deregi boiynsha Qylmystyq kodekstiń 300-babynyń 1-bóligi, 296-babynyń 4-bóligi boiynsha qylmystyq is qozǵaldy. Kinásin moiyndaǵan kúdikti ýaqytsha qamaqqa alyndy», – dep habarlaidy Almaty oblysy PD Esirtki biznesine qarsy kúres basqarmasynyń bastyǵy Qazbek Muhamedov.
