Almaty oblysy halqynyń 70 paiyzy aýylda turady. Qazirgi jaǵdaiǵa bailanysty turǵyndar memlekettik qyzmetterdi E-GOV portaly arqyly alýda, dep habarlaidy "Ult aqparat".
Bir ǵana Kerbulaq aýdany turǵyndarynyń 87 paiyzy elektrondy-tsifrly qoltańbamen qamtamasyz etilgen.
«Aýdan boiynsha kórsetilgen 230 myńnan astam memlekettik qyzmettiń 94 paiyzy elektrondy túrde júzege asqan. Al ózine qyzmet kórsetý buryshy arqyly 31 myńnan astam qyzmet kórsetilgen», - deidi Kerbulaq aýdany ákimdiginiń apparat jetekshisi Aqniet Tumataev.
Aýdandaǵy barlyq aýyldyq ákimdikter men mektepterde ózine qyzmet kórsetý buryshtary qoiylǵan. Úiinde kompiýteri joq aýyl turǵyny qajetti qujattardy ózine qyzmet kórsetý buryshynan rásimdei alady.
Saryózek aýylynda turatyn kópbalaly ana Almagúl Baibolatovanyń aýyl ákimdigine kelip, memlekettik qyzmetterdi elektrondy túrde alyp júrgenine jarty jyldan asty. Aýyl turǵynynyń aitýynsha memlekettik qyzmetterdi elektrondy túrde alǵannyń eshqandai qiyndyǵy joq.
«Bir ret kórip alsańyz boldy. Ózimniń jeke kiltim bar. Sol kiltimmen kez kelgen mezgilde qajet qujattarymdy eshkimniń kómeginsiz ala berem», - deidi bes balanyń anasy Almagúl Baibolatova.
