الماتى وبلىسى حالقىنىڭ 70 پايىزى اۋىلدا تۇرادى. قازٸرگٸ جاعدايعا بايلانىستى تۇرعىندار مەملەكەتتٸك قىزمەتتەردٸ E-GOV پورتالى ارقىلى الۋدا, دەپ حابارلايدى "ۇلت اقپارات".
بٸر عانا كەربۇلاق اۋدانى تۇرعىندارىنىڭ 87 پايىزى ەلەكتروندى-تسيفرلى قولتاڭبامەن قامتاماسىز ەتٸلگەن.
«اۋدان بويىنشا كٶرسەتٸلگەن 230 مىڭنان استام مەملەكەتتٸك قىزمەتتٸڭ 94 پايىزى ەلەكتروندى تٷردە جٷزەگە اسقان. ال ٶزٸنە قىزمەت كٶرسەتۋ بۇرىشى ارقىلى 31 مىڭنان استام قىزمەت كٶرسەتٸلگەن», - دەيدٸ كەربۇلاق اۋدانى ەكٸمدٸگٸنٸڭ اپپارات جەتەكشٸسٸ اقنيەت تۇماتاەۆ.
اۋدانداعى بارلىق اۋىلدىق ەكٸمدٸكتەر مەن مەكتەپتەردە ٶزٸنە قىزمەت كٶرسەتۋ بۇرىشتارى قويىلعان. ٷيٸندە كومپيۋتەرٸ جوق اۋىل تۇرعىنى قاجەتتٸ قۇجاتتاردى ٶزٸنە قىزمەت كٶرسەتۋ بۇرىشىنان رەسٸمدەي الادى.
سارىٶزەك اۋىلىندا تۇراتىن كٶپبالالى انا الماگٷل بايبولاتوۆانىڭ اۋىل ەكٸمدٸگٸنە كەلٸپ, مەملەكەتتٸك قىزمەتتەردٸ ەلەكتروندى تٷردە الىپ جٷرگەنٸنە جارتى جىلدان استى. اۋىل تۇرعىنىنىڭ ايتۋىنشا مەملەكەتتٸك قىزمەتتەردٸ ەلەكتروندى تٷردە العاننىڭ ەشقانداي قيىندىعى جوق.
«بٸر رەت كٶرٸپ الساڭىز بولدى. ٶزٸمنٸڭ جەكە كٸلتٸم بار. سول كٸلتٸممەن كەز كەلگەن مەزگٸلدە قاجەت قۇجاتتارىمدى ەشكٸمنٸڭ كٶمەگٸنسٸز الا بەرەم», - دەيدٸ بەس بالانىڭ اناسى الماگٷل بايبولاتوۆا.
