Almaty oblysynda kanalizatsiia qubyry jarylyp, úsh adam qaza tapty, taǵy biri zardap shekken, dep habarlaidy oblystyq tótenshe jaǵdailar jónindegi departamenttiń baspasóz qyzmeti.
Vedomstvonyń málimetinshe, oqiǵa ekinshi shildede Eńbekshiqazaq aýdany Shelek aýylynyń jergilikti aýrýhanasynda bolǵan.
"Kárizdik qudyqty tazalaý kezinde 12.34-te diametri 200 mm qubyr jaryldy. Saldarynan metan gazynan úsh adam ýlanǵan: 1967 jyly týǵan santehnik oqiǵa ornynda kóz jumdy, 1969 jylǵy santehnik pen 1988 jyly týǵan travmatolog dáriger jansaqtaý bólimine túsip, olar da keiinirek jan tapsyrǵan", — dep habarlaidy departament.
Taǵy bir zardap shegýshi – jumysshylarǵa járdem bermek bolǵan 1984 jyly týǵan dáriger aýrýhanada jatyr.
Tótenshe jaǵdailar jónindegi departament habarlaǵandai, bastapqy boljam boiynsha qaýipsizdik tehnikasy saqtalmaǵan bolýy múmkin. Politsiia da atalǵan derekti tirkep, tiisti tekserý uiymdastyrdy.
