الماتى وبلىسىندا كاناليزاتسييا قۇبىرى جارىلىپ, ٷش ادام قازا تاپتى, تاعى بٸرٸ زارداپ شەككەن, دەپ حابارلايدى وبلىستىق تٶتەنشە جاعدايلار جٶنٸندەگٸ دەپارتامەنتتٸڭ باسپاسٶز قىزمەتٸ.
ۆەدومستۆونىڭ مەلٸمەتٸنشە, وقيعا ەكٸنشٸ شٸلدەدە ەڭبەكشٸقازاق اۋدانى شەلەك اۋىلىنىڭ جەرگٸلٸكتٸ اۋرۋحاناسىندا بولعان.
"كەرٸزدٸك قۇدىقتى تازالاۋ كەزٸندە 12.34-تە ديامەترٸ 200 مم قۇبىر جارىلدى. سالدارىنان مەتان گازىنان ٷش ادام ۋلانعان: 1967 جىلى تۋعان سانتەحنيك وقيعا ورنىندا كٶز جۇمدى, 1969 جىلعى سانتەحنيك پەن 1988 جىلى تۋعان تراۆماتولوگ دەرٸگەر جانساقتاۋ بٶلٸمٸنە تٷسٸپ, ولار دا كەيٸنٸرەك جان تاپسىرعان", — دەپ حابارلايدى دەپارتامەنت.
تاعى بٸر زارداپ شەگۋشٸ – جۇمىسشىلارعا جەردەم بەرمەك بولعان 1984 جىلى تۋعان دەرٸگەر اۋرۋحانادا جاتىر.
تٶتەنشە جاعدايلار جٶنٸندەگٸ دەپارتامەنت حابارلاعانداي, باستاپقى بولجام بويىنشا قاۋٸپسٸزدٸك تەحنيكاسى ساقتالماعان بولۋى مٷمكٸن. پوليتسييا دا اتالعان دەرەكتٸ تٸركەپ, تيٸستٸ تەكسەرۋ ۇيىمداستىردى.
