Kollaj: Azattyq Ruhy
Almaty oblysynda býhgalter kásipkerlerdiń aqshasyn iemdengeni úshin sottaldy, - dep habarlaidy "Ult aqparat" oblys prokýratýrasyna silteme jasap.
Vedomstvo málimetinshe, Uiǵyr aýdandyq ortalyq aýrýhananyń býhgalteri Memlekettik satyp alýǵa qatysýshylardyń qarajatyn 90 mln. teńge kóleminde iemdengeni úshin 7 jylǵa bas bostandyǵynan aiyrylǵan.
Bul qarajatty kásipkerler aýrýhananyń banktik shotyna sharttardyń oryndalýyna kepildik túrinde engizgen. Al azamatsha D. aýdandyq aýrýhananyń esepshisi bola otyryp, bul qarajatty óz shotyna aýdarý arqyly iemdengen.
"Taldaý sheńberinde Almaty oblysynyń prokýratýrasy taǵy 50 mln. teńgege buzýshylyqtardy anyqtady, olar 25 kásipkerge qaitarylýy qajet.
Prokýratýranyń qadaǵalaý aktisimen aqshalai qarajattyń bir bóligi biznes sýbektilerine qaitaryldy" - delingen habarlamada.
Aita keteiik, merdigerler tapsyrys berýshilerdiń shottaryna sharttyq mindettemelerdiń oryndalýyn qamtamasyz etý bolyp tabylatyn shart qunynan 3% aqshalai qarajat engizedi.
Bul engizilgen qarajat memlekettik satyp alý boiynsha mindettemeler oryndalǵannan keiin kásipkerge qaitarylady.
