كوللاج: Azattyq Ruhy
الماتى وبلىسىندا بۋحگالتەر كەسٸپكەرلەردٸڭ اقشاسىن يەمدەنگەنٸ ٷشٸن سوتتالدى, - دەپ حابارلايدى "ۇلت اقپارات" وبلىس پروكۋراتۋراسىنا سٸلتەمە جاساپ.
ۆەدومستۆو مەلٸمەتٸنشە, ۇيعىر اۋداندىق ورتالىق اۋرۋحانانىڭ بۋحگالتەرٸ مەملەكەتتٸك ساتىپ الۋعا قاتىسۋشىلاردىڭ قاراجاتىن 90 ملن. تەڭگە كٶلەمٸندە يەمدەنگەنٸ ٷشٸن 7 جىلعا باس بوستاندىعىنان ايىرىلعان.
بۇل قاراجاتتى كەسٸپكەرلەر اۋرۋحانانىڭ بانكتٸك شوتىنا شارتتاردىڭ ورىندالۋىنا كەپٸلدٸك تٷرٸندە ەنگٸزگەن. ال ازاماتشا د. اۋداندىق اۋرۋحانانىڭ ەسەپشٸسٸ بولا وتىرىپ, بۇل قاراجاتتى ٶز شوتىنا اۋدارۋ ارقىلى يەمدەنگەن.
"تالداۋ شەڭبەرٸندە الماتى وبلىسىنىڭ پروكۋراتۋراسى تاعى 50 ملن. تەڭگەگە بۇزۋشىلىقتاردى انىقتادى, ولار 25 كەسٸپكەرگە قايتارىلۋى قاجەت.
پروكۋراتۋرانىڭ قاداعالاۋ اكتٸسٸمەن اقشالاي قاراجاتتىڭ بٸر بٶلٸگٸ بيزنەس سۋبەكتٸلەرٸنە قايتارىلدى" - دەلٸنگەن حابارلامادا.
ايتا كەتەيٸك, مەردٸگەرلەر تاپسىرىس بەرۋشٸلەردٸڭ شوتتارىنا شارتتىق مٸندەتتەمەلەردٸڭ ورىندالۋىن قامتاماسىز ەتۋ بولىپ تابىلاتىن شارت قۇنىنان 3% اقشالاي قاراجات ەنگٸزەدٸ.
بۇل ەنگٸزٸلگەن قاراجات مەملەكەتتٸك ساتىپ الۋ بويىنشا مٸندەتتەمەلەر ورىندالعاننان كەيٸن كەسٸپكەرگە قايتارىلادى.
