Almaty oblysynyń politseileri 37 jastaǵy áieldiń ólimine qatysy bar degen kúdikpen jergilikti turǵyndy ustady. Tergeý barysynda 45 jastaǵy kúdiktiniń zardap shegýshimen azamattyq nekede turǵany anyqtaldy, dep habarlaidy "Ult aqparat".
Oblystyq Politsiia taratqan aqparatqa sáikes, oqiǵa Qarasai aýdanynda bolǵan. 26 qańtar kúni Jańaturmys aýylyndaǵy úilerdiń birinde pyshaq jaraqatyn alǵan úi iesiniń máiiti tabylǵany týraly habar túsken. Jábirlenýshiniń bet-álpetine pyshaq jaraqattary salynyp, buzylǵan.
«45 jastaǵy er azamat asa aýyr qylmys jasady degen kúdikke ilinip otyr. Qazirgi ýaqytta ustalǵan kúdikti Qarasai aýdany politsiiasynyń ýaqytsha ustaý oqshaýlaǵyshyna qamaqqa alyndy. Qazaqstan Respýblikasy Qylmystyq kodeksiniń 99-babyna sáikes adam óltirý deregi boiynsha sotqa deiingi tergeý amaldary júrgizilýde. Oqiǵa ornynan qylmys quraly bolýy múmkin as úi pyshaǵy tabyldy. Tárkilengen pyshaq aiǵaqzat retinde tergeý materialdaryna tirkeldi», - dep habarlaidy vedomstvonyń baspasóz qyzmeti.
Politsiia qyzmetkerleriniń aitýynsha, qylmys eki adamnyń alkogoldik ishimdikti birge ishý nátijesinde týǵan janjal kezinde jasalǵan.
