الماتى وبلىسىنىڭ پوليتسەيلەرٸ 37 جاستاعى ەيەلدٸڭ ٶلٸمٸنە قاتىسى بار دەگەن كٷدٸكپەن جەرگٸلٸكتٸ تۇرعىندى ۇستادى. تەرگەۋ بارىسىندا 45 جاستاعى كٷدٸكتٸنٸڭ زارداپ شەگۋشٸمەن ازاماتتىق نەكەدە تۇرعانى انىقتالدى, دەپ حابارلايدى "ۇلت اقپارات".
وبلىستىق پوليتسييا تاراتقان اقپاراتقا سەيكەس, وقيعا قاراساي اۋدانىندا بولعان. 26 قاڭتار كٷنٸ جاڭاتۇرمىس اۋىلىنداعى ٷيلەردٸڭ بٸرٸندە پىشاق جاراقاتىن العان ٷي يەسٸنٸڭ مەيٸتٸ تابىلعانى تۋرالى حابار تٷسكەن. جەبٸرلەنۋشٸنٸڭ بەت-ەلپەتٸنە پىشاق جاراقاتتارى سالىنىپ, بۇزىلعان.
«45 جاستاعى ەر ازامات اسا اۋىر قىلمىس جاسادى دەگەن كٷدٸككە ٸلٸنٸپ وتىر. قازٸرگٸ ۋاقىتتا ۇستالعان كٷدٸكتٸ قاراساي اۋدانى پوليتسيياسىنىڭ ۋاقىتشا ۇستاۋ وقشاۋلاعىشىنا قاماققا الىندى. قازاقستان رەسپۋبليكاسى قىلمىستىق كودەكسٸنٸڭ 99-بابىنا سەيكەس ادام ٶلتٸرۋ دەرەگٸ بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. وقيعا ورنىنان قىلمىس قۇرالى بولۋى مٷمكٸن اس ٷي پىشاعى تابىلدى. تەركٸلەنگەن پىشاق ايعاقزات رەتٸندە تەرگەۋ ماتەريالدارىنا تٸركەلدٸ», - دەپ حابارلايدى ۆەدومستۆونىڭ باسپاسٶز قىزمەتٸ.
پوليتسييا قىزمەتكەرلەرٸنٸڭ ايتۋىنشا, قىلمىس ەكٸ ادامنىڭ الكوگولدٸك ٸشٸمدٸكتٸ بٸرگە ٸشۋ نەتيجەسٸندە تۋعان جانجال كەزٸندە جاسالعان.
