Almaty oblysynda áriptesi jaraqattaǵan politseidiń jaǵdaiy belgili boldy, - dep habarlaidy "Ult aqparat".
«28 kúni Raiymbek aýdandyq aýrýhanasyna túsken politsiia qyzmetkeriniń jaǵdaiy ortasha aýyr. Qazir ol hirýrgiialyq bólimde em qabyldap jatyr. Oń jaq aiaǵynyń artqy bóliginen jaraqat alǵan. Ota jasaldy», - dedi Almaty oblystyq densaýlyq saqtaý basqarmasy baspasóz qyzmetiniń ókili Láilim Áýbákirova.
Esterińizge sala keteiik, 27 sáýirde tún ortasynda Raiymbek aýdanynda aýdandyq ishki ister organdarynyń eki qyzmetkeri arasynda turmystyq janjal boldy.
«Saldarynan olardyń biri tabeldik qarý qoldanǵan. Ýchaskelik inspektor jambasynan oq jaraqatyn alyp, Narynqol aýylynyń aýrýhanasyna jatqyzyldy. Ne jaǵdai bolǵanyn tekserý úshin oqiǵa ornyna bardyq. Nátijesinde oqiǵanyń barlyq mán-jaiy anyqtaldy», - dep jazdy Serik Kúdebaev Feisbýktegi paraqshasynda.
Qazir osy oqiǵaǵa orai QR Qylmystyq kodeksiniń 24-baby 3-bóligi, 99-baby 1-bóligi («Adam óltirýge oqtalý») boiynsha sotqa deiingi tergeý bastaldy.
Sonymen qatar, qyzmettegi kemshilikteri jáne jeke quramǵa baqylaýdy álsiretkeni úshin aýdandyq politsiia bólimi basshysynyń syrtqy qyzmetterge jaýapty birinshi orynbasary qyzmetinen bosatyldy.
«Áriptesimen janjaldasqan qyzmetkerler jumystan shyǵarylyp, birqatar laýazymdy tulǵa qatań tártiptik jaýapkershilikke tartyldy», - dep jazdy ol.
Almaty oblysy politsiia departamentiniń basshylyǵy zań men tártipti saqtaý boiynsha jan-jaqty sharalar qabyldaidy, dep tolyqtyrdy óńir politsiiasynyń bastyǵy.
