Almaty oblysynda áleýmettik mańyzdy azyq-túlik taýarlarynyń ai saiynǵy qajettiligi shamamen 111 myń tonna bolsa, qazir óńirde 193,1 myń tonna qor bar. Máselen, turaqtandyrý qorynda 26,8 mln. teńge bolatyn 121,7 tonna taýar bar, atap aitqanda, bidai uny – 94 tonna, qant – 27,7 tonna.
Azyq-túliktiń 19 túrinen turatyn áleýmettik mańyzdy taýarlar baǵasynyń ósýine jol bermeý maqsatynda oblystyq kásipkerlik jáne indýstrialdy-innovatsiialyq damý basqarmasy «Jetisý» ÁKK-men birlesip turaqtandyrý qorynda, óndirýshi kásiporyndarda, qoimalarda azyq-túlik taýarlarynyń qory qansha ekenine turaqty baqylaý jasap, monitoringileidi.
Oblystyq kásipkerlik jáne indýstrialdy-innovatsiialyq damý basqarmasynyń habarlaýynsha, oblys ákiminiń tapsyrmasymen halyqty azyq-túlikpen jáne birinshi kezektegi qajettiliktermen úzdiksiz qamtamasyz etý úshin biýdjetten qosymsha 2 mlrd. teńge bólindi. Sonyń 1 mlrd. teńgesi – áleýmettik mańyzdaǵy azyq-túlik taýarlaryn satyp alý interventsiiasyn júrgizýge, 1 mlrd. teńgesi – kásipkerlik sýbektilerine zaimdar berý úshin qarastyryldy. Bólingen qarjyǵa qosymsha 5,9 myń tonna un, 100 tonna kúrish, 20 tonna rojki, 5 myń litr kúnbaǵys maiy, 1000 tonna qant, 200 tonna kartop, 100 tonna piiaz ben 1 tonna tuz satyp alý josparlanǵan. Nannyń baǵasyn yryqtandyrý maqsatynda 2019 jyldyń IV toqsanynda birinshi surypty bidai unyn jetkizýge 52 naýbaihanamen agenttik kelisimder jasaldy, bul maqsatqa «Jetisý» ÁKK-niń ainalymdaǵy qarjysynan 260 mln. teńge bólindi. Sol siiaqty zaim berýdiń negizgi sharttary bekitildi. Qazirgi kezde kásipkerlik sýbektilerin irikteý jumystary júrgizilip jatyr.
Sonymen birge búgingi kúni «Jetisý» ÁKK «Alel Agro» (qus eti), «Sary-Bulaq» (taýyq jumyrtqasy), «Úshtóbe-Aidyn» (sút ónimderi), «Nur Agro» (piiaz) JShS-lary men «MPS» (siyr eti) mal sharýashylyǵy kesheni siiaqty taýar óndirýshilermen yntymaqtastyq týraly memorandýmdar jasasty. Jasalǵan osy memorandýmdarǵa sáikes taýar óndirýshiler birinshi kezektegi qajetti azyq-túlik taýarlarymen tómen baǵada oblystyń saýda nysandaryn qamtamasyz etedi. Arzandatylǵan taýarlar satylatyn saýda nysandarynyń tizimi jasaldy, búgingi kúni osyndai 17 dúken belgilendi. Jetkizýshilerdiń joǵaryda atalǵan taýarlardy jiberý baǵasy naryqtaǵydan 10-15% tómen bolady.
Sondai-aq oblysta 295 áleýmettik saýda núkteleri, 174,3 myń tonnalyq 141 jemis-jidek qoimasy, jalpy alańy 96 ga 100 jylyjai, 103 mal bordaqylaý alańy (jylyna 25,6 myń tonna et) jáne 76 sút-taýarly ferma (87 myń tonna sút) jumys isteidi.
Áleýmettik mańyzdaǵy taýarlar baǵasynyń ósýine jol bermeýge baǵyttalǵan jumystar jalǵasady.
Almaty oblysy ákiminiń baspasóz qyzmeti
