Almaty oblysy Esik qalasynyń turǵyny memlekettik baǵdarlamamen úi alyp berýge ýáde etken alaiaqqa aldanyp qaldy, dep habarlaidy "Ult aqparat".
Biylǵy 23 sáýirde Eńbekshiqazaq aýdandyq politsiia bóliminiń kezekshi bólimine Esik qalasynyń 33 jastaǵy turǵyny aryzdanǵan. Ol memlekettik baǵdarlamamen Esik qalasynan 3 bólmeli páter alýǵa kómektesýge ýáde etip, alaiaqtyq jolmen 1,6 mln teńge aqshasyn iemdenip ketken azamatqa zańdy shara qoldanýdy suraǵan.
Atalǵan derek QR QK-niń 190-baby 1-bóligi boiynsha tirkeldi.
«Qylmystyq isti tergep-tekserý barysynda kúdikti 39 jastaǵy jergilikti turǵyn anyqtaldy. Ol jaýap alý barysynda erli-zaiyptylardyń senimine kirip, arnaiy memlekettik baǵdarlamamen úi alyp beremin dep 1 600 000 teńge kóleminde qarajat alǵanyn jetkizdi. Qazirgi tańda sotqa deiingi tergeý amaldary júrgizilýde. Kúdiktige qatysty «kelý týraly mindetteme» túrindegi bultartpaý sharasy tańdaldy. Ózge aqparat tergeý qupiialylyǵyna bailanysty taratylmaidy», - dedi Eńbekshiqazaq APB bastyǵynyń birinshi orynbasary Jaqsylyq Altynbaev.
