الماتى وبلىسى ەسٸك قالاسىنىڭ تۇرعىنى مەملەكەتتٸك باعدارلامامەن ٷي الىپ بەرۋگە ۋەدە ەتكەن الاياققا الدانىپ قالدى, دەپ حابارلايدى "ۇلت اقپارات".
بيىلعى 23 سەۋٸردە ەڭبەكشٸقازاق اۋداندىق پوليتسييا بٶلٸمٸنٸڭ كەزەكشٸ بٶلٸمٸنە ەسٸك قالاسىنىڭ 33 جاستاعى تۇرعىنى ارىزدانعان. ول مەملەكەتتٸك باعدارلامامەن ەسٸك قالاسىنان 3 بٶلمەلٸ پەتەر الۋعا كٶمەكتەسۋگە ۋەدە ەتٸپ, الاياقتىق جولمەن 1,6 ملن تەڭگە اقشاسىن يەمدەنٸپ كەتكەن ازاماتقا زاڭدى شارا قولدانۋدى سۇراعان.
اتالعان دەرەك قر قك-نٸڭ 190-بابى 1-بٶلٸگٸ بويىنشا تٸركەلدٸ.
«قىلمىستىق ٸستٸ تەرگەپ-تەكسەرۋ بارىسىندا كٷدٸكتٸ 39 جاستاعى جەرگٸلٸكتٸ تۇرعىن انىقتالدى. ول جاۋاپ الۋ بارىسىندا ەرلٸ-زايىپتىلاردىڭ سەنٸمٸنە كٸرٸپ, ارنايى مەملەكەتتٸك باعدارلامامەن ٷي الىپ بەرەمٸن دەپ 1 600 000 تەڭگە كٶلەمٸندە قاراجات العانىن جەتكٸزدٸ. قازٸرگٸ تاڭدا سوتقا دەيٸنگٸ تەرگەۋ امالدارى جٷرگٸزٸلۋدە. كٷدٸكتٸگە قاتىستى «كەلۋ تۋرالى مٸندەتتەمە» تٷرٸندەگٸ بۇلتارتپاۋ شاراسى تاڭدالدى. ٶزگە اقپارات تەرگەۋ قۇپييالىلىعىنا بايلانىستى تاراتىلمايدى», - دەدٸ ەڭبەكشٸقازاق اپب باستىعىنىڭ بٸرٸنشٸ ورىنباسارى جاقسىلىق التىنباەۆ.
