Almaty oblysynda aqsha bopsalaýshy qylmystyq top ustaldy, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, qyrkúiek aiynyń sońynda departamentke Qapshaǵai qalasynyń 35 jastaǵy eki turǵyny olardan iri kólemde aqsha bopsalaǵany týraly aryzdanǵan. Kúdiktiler bireýinen 400 000 teńge, ekinshisinen 240 000 teńge alyp, taǵy 600 AQSh dollaryn berý kerektigin aityp, qorqytqan. Atalǵan derek Qylmystyq kodekstiń 194-baby 2-bóligi boiynsha tirkeldi.
«Qapshaǵai qalasynyń 35,34, 32 jáne 31 jastaǵy tórt turǵyny ustaldy. Qazirgi ýaqytta tórt kúdikti de qamaýǵa alyndy. Toptyń uiymdastyrýshysy buryn da osy áreketi úshin eki ret qylmystyq jaýapkershilikke tartylǵan jáne 2003 jyly 3 jylǵa, al 2008 jyly 5 jylǵa bas bostandyǵynan aiyrylǵan. Bul qylmystardyń aldyn-ala daiyndalǵandyǵy jáne keiingi materialdyq shaǵymdardy usyný úshin sebepterdiń maqsatty túrde qurastyrylǵany anyqtaldy. Qylmystyq jaýapkershilikten jaltarý úshin aiyptalýshylar ózderiniń qylmystyq áreketterin qaryzdy qaitarý týraly ádettegi talap dep túsindirgen», - dedi Almaty oblysy PD Kriminaldyq politsiia basqarmasynyń bastyǵy Ashat Daniiar.
