Kórneki foto: Pixabay.com
Almaty oblysy Jambyl aýdanynda mektep oqýshysy itke talandy. Bet-aýyzy qan-josa balanyń anasy aýyldastarynan ittiń iesin tabýǵa kómek surap, jelige video jariialaǵan. Qazirgi tańda bala anasymen birge Almaty qalasyndaǵy №1 balalar aýrýhanasynda em alyp jatyr, dep habarlaidy KAZ.NUR.KZ.
Aqseńgir aýylynda bolǵan jaǵdai týraly video kris_p_uzynagash pabliginde jariialandy. Itke talanǵan bala túrli dene jaraqatyn alǵan.
Jelidegi fotodan balanyń ásirese basynyń samai tusy men kózine qatty zaqym kelgenin baiqaýǵa bolady.
Atalǵan videodan málim bolǵandai, itke talanǵan balanyń anasy ákimdikten bul isti jyly jaýyp qoia salmaýyn suraǵan.
Buǵan qatysty KAZ.NUR.KZ tilshisiniń saýalyna Jambyl aýdany ákimdiginiń baspasóz qyzmeti pikir bildirdi. Ákimdik ókiliniń habarlaýynsha, jazataiym oqiǵa 22 sáýir kúni keshki saǵat jetide oryn alǵan.
"Bul jaǵdai Aqseńgir aýyly, Atajurt kóshesi 29 úidiń aýlasynda bolǵan, al atalǵan turǵyn úidiń aýlasy qorshalmaǵan. Bos júrgen iesiz it 9 jastaǵy Halifa Sháripjandy tistep alǵan.
Bala jedel járdemmen kezekshi bólimge jetkizildi, onda alǵashqy kómek kórsetilip, odan ári Almaty qalasyndaǵy №1 balalar aýrýhanasyna jetkizildi. Qazirgi ýaqytta anasymen birge. Dárigerler balanyń jaǵdaiy turaqty ekenin aitty. Bala aqyly bólimde em alyp jatyr. Aqseńgir aýylynyń turǵyndary, eriktileri kópbalaly otbasyna kómek qolyn sozyp, uiymshyldyq tanytýda", - deidi ákimdik ókili.
Jambyl aýdany ákimdigi balany talaǵan it 23 sáýirde quryqtalyp, Uzynaǵash aýylynyń veterinarlyq stantsiiasyna toǵytylǵanyn jetkizdi.
Sonymen qatar, Aqseńgir aýyldyq okrýginiń ákimi Erjan Qasymshalov Halifanyń emine qarjylai kómektesýge niet bildirip otyr.
Aita ketsek, ákimdik usynǵan málimetke sáikes, biyl aýyl turǵyndarynan qańǵybas itterge qatysty birneshe jazbasha ótinish kelip túsken. Júrgizilgen jumystardyń nátijesinde Jambyl aýdany boiynsha 469 it, atalǵan oqiǵa bolǵan Aqseńgir aýylynda 30 qańǵybas it aýlanǵan.
