كٶرنەكٸ فوتو: Pixabay.com
الماتى وبلىسى جامبىل اۋدانىندا مەكتەپ وقۋشىسى يتكە تالاندى. بەت-اۋىزى قان-جوسا بالانىڭ اناسى اۋىلداستارىنان يتتٸڭ يەسٸن تابۋعا كٶمەك سۇراپ, جەلٸگە ۆيدەو جارييالاعان. قازٸرگٸ تاڭدا بالا اناسىمەن بٸرگە الماتى قالاسىنداعى №1 بالالار اۋرۋحاناسىندا ەم الىپ جاتىر, دەپ حابارلايدى KAZ.NUR.KZ.
اقسەڭگٸر اۋىلىندا بولعان جاعداي تۋرالى ۆيدەو kris_p_uzynagash پابليگٸندە جارييالاندى. يتكە تالانعان بالا تٷرلٸ دەنە جاراقاتىن العان.
جەلٸدەگٸ فوتودان بالانىڭ ەسٸرەسە باسىنىڭ ساماي تۇسى مەن كٶزٸنە قاتتى زاقىم كەلگەنٸن بايقاۋعا بولادى.
اتالعان ۆيدەودان مەلٸم بولعانداي, يتكە تالانعان بالانىڭ اناسى ەكٸمدٸكتەن بۇل ٸستٸ جىلى جاۋىپ قويا سالماۋىن سۇراعان.
بۇعان قاتىستى KAZ.NUR.KZ تٸلشٸسٸنٸڭ ساۋالىنا جامبىل اۋدانى ەكٸمدٸگٸنٸڭ باسپاسٶز قىزمەتٸ پٸكٸر بٸلدٸردٸ. ەكٸمدٸك ٶكٸلٸنٸڭ حابارلاۋىنشا, جازاتايىم وقيعا 22 سەۋٸر كٷنٸ كەشكٸ ساعات جەتٸدە ورىن العان.
"بۇل جاعداي اقسەڭگٸر اۋىلى, اتاجۇرت كٶشەسٸ 29 ٷيدٸڭ اۋلاسىندا بولعان, ال اتالعان تۇرعىن ٷيدٸڭ اۋلاسى قورشالماعان. بوس جٷرگەن يەسٸز يت 9 جاستاعى حاليفا شەرٸپجاندى تٸستەپ العان.
بالا جەدەل جەردەممەن كەزەكشٸ بٶلٸمگە جەتكٸزٸلدٸ, وندا العاشقى كٶمەك كٶرسەتٸلٸپ, ودان ەرٸ الماتى قالاسىنداعى №1 بالالار اۋرۋحاناسىنا جەتكٸزٸلدٸ. قازٸرگٸ ۋاقىتتا اناسىمەن بٸرگە. دەرٸگەرلەر بالانىڭ جاعدايى تۇراقتى ەكەنٸن ايتتى. بالا اقىلى بٶلٸمدە ەم الىپ جاتىر. اقسەڭگٸر اۋىلىنىڭ تۇرعىندارى, ەرٸكتٸلەرٸ كٶپبالالى وتباسىنا كٶمەك قولىن سوزىپ, ۇيىمشىلدىق تانىتۋدا", - دەيدٸ ەكٸمدٸك ٶكٸلٸ.
جامبىل اۋدانى ەكٸمدٸگٸ بالانى تالاعان يت 23 سەۋٸردە قۇرىقتالىپ, ۇزىناعاش اۋىلىنىڭ ۆەتەرينارلىق ستانتسيياسىنا توعىتىلعانىن جەتكٸزدٸ.
سونىمەن قاتار, اقسەڭگٸر اۋىلدىق وكرۋگٸنٸڭ ەكٸمٸ ەرجان قاسىمشالوۆ حاليفانىڭ ەمٸنە قارجىلاي كٶمەكتەسۋگە نيەت بٸلدٸرٸپ وتىر.
ايتا كەتسەك, ەكٸمدٸك ۇسىنعان مەلٸمەتكە سەيكەس, بيىل اۋىل تۇرعىندارىنان قاڭعىباس يتتەرگە قاتىستى بٸرنەشە جازباشا ٶتٸنٸش كەلٸپ تٷسكەن. جٷرگٸزٸلگەن جۇمىستاردىڭ نەتيجەسٸندە جامبىل اۋدانى بويىنشا 469 يت, اتالعان وقيعا بولعان اقسەڭگٸر اۋىلىندا 30 قاڭعىباس يت اۋلانعان.
