Almaty oblysynda 65 jastan asqan zeinetkerlerge kóshede sebepsiz júrýge bolmaidy. Óńirde karantindik sharalar qaita kúsheitildi, dep habarlaidy "Ult aqparat".
Almaty oblysynda karantindik shekteýler aldaǵy senbi, jeksenbi kúnderi kúsheitiledi. 65 jastan asqan egde adamdarǵa dúken men dárihanaǵa barmasa, kóshede emin-erkin júrýge bolmaidy. Sol siiaqty kámeletke tolmaǵandar da eresektersiz júrmeýi tiis. Ulttyq parkter men týristik nysandarda aldaǵy eki kúnge adam qabyldaý toqtatyldy. Al demalyp jatqan azamattar sanitarlyq ara qashyqtyq saqtaýy qajet. Sondai-aq qoǵamdyq kólikterde de talaptar qatańdatylmaq.
«Árbir avtobýsta bir qyzmetker bolady. Ol maskasy joq adamdy betperdesiz avtobýsqa kirgizbeidi. Sonymen qatar oryndyqtar avtobýsta tolyp qalsa, artyq kisini kirgizbeý kerek. Sóitip biz shoǵyrlanýdy boldyrmaimyz. Ol talapty ákimder de, tasymaldaýshylar da oryndaýǵa mindetti», - deidi Almaty oblysynyń bas memlekettik sanitarlyq dárigeri Qairat Baimuhanbetov.
