الماتى وبلىسىندا 65 جاستان اسقان زەينەتكەرلەرگە كٶشەدە سەبەپسٸز جٷرۋگە بولمايدى. ٶڭٸردە كارانتيندٸك شارالار قايتا كٷشەيتٸلدٸ, دەپ حابارلايدى "ۇلت اقپارات".
الماتى وبلىسىندا كارانتيندٸك شەكتەۋلەر الداعى سەنبٸ, جەكسەنبٸ كٷندەرٸ كٷشەيتٸلەدٸ. 65 جاستان اسقان ەگدە ادامدارعا دٷكەن مەن دەرٸحاناعا بارماسا, كٶشەدە ەمٸن-ەركٸن جٷرۋگە بولمايدى. سول سيياقتى كەمەلەتكە تولماعاندار دا ەرەسەكتەرسٸز جٷرمەۋٸ تيٸس. ۇلتتىق پاركتەر مەن تۋريستٸك نىسانداردا الداعى ەكٸ كٷنگە ادام قابىلداۋ توقتاتىلدى. ال دەمالىپ جاتقان ازاماتتار سانيتارلىق ارا قاشىقتىق ساقتاۋى قاجەت. سونداي-اق قوعامدىق كٶلٸكتەردە دە تالاپتار قاتاڭداتىلماق.
«ەربٸر اۆتوبۋستا بٸر قىزمەتكەر بولادى. ول ماسكاسى جوق ادامدى بەتپەردەسٸز اۆتوبۋسقا كٸرگٸزبەيدٸ. سونىمەن قاتار ورىندىقتار اۆتوبۋستا تولىپ قالسا, ارتىق كٸسٸنٸ كٸرگٸزبەۋ كەرەك. سٶيتٸپ بٸز شوعىرلانۋدى بولدىرمايمىز. ول تالاپتى ەكٸمدەر دە, تاسىمالداۋشىلار دا ورىنداۋعا مٸندەتتٸ», - دەيدٸ الماتى وبلىسىنىڭ باس مەملەكەتتٸك سانيتارلىق دەرٸگەرٸ قايرات بايمۇحانبەتوۆ.
