Almaty oblysynda 14 jastaǵy jasóspirim qaiǵyly jaǵdaida qaza tapty. Marqumnyń otbasy ony joǵary synyp oqýshylary aiaýsyz urǵanyna senimdi, dep habarlaidy Ult.kz Jagdai kz telegeram arnasyna silteme jasap.
Keshki ýaqytta bala serýendeýge shyǵyp, úiine oralmaǵan – bir saǵattan keiin ony es-tússiz kúide taýyp alǵan. Oqiǵa ornynda bolǵan balalar kelgen ákesine onyń «jai ǵana kenetten qulap qalǵanyn» aitqan.
Alaida bul nusqaǵa týystary senbeidi. Ákesi kamera jazbalarynda birneshe joǵary synyp oqýshysynyń balany qarańǵy kóshege qarai ertip bara jatqanyn anyq kórinetinin aitady. Onyń sózinshe, jansaqtaý bólimindegi dárigerler de balanyń qatty soqqy alǵanyn rastaǵan.
Talǵar aýdanynyń politsiiasy qylmystyq is qozǵap, bir jasóspirimdi ustady. Alaida marqumnyń januiasy qatań jaza qoldanýdy jáne soqqyǵa qatysy bar barlyq adamdy jaýapqa tartýdy talap etip otyr.
