Almaty oblysy Shelek aýylynda 12 jastaǵy balany kólik qaǵyp ketti. Bala alǵan jaraqatynan oqiǵa ornynda qaza tapty, - dep habarlaidy "Ult aqparat" Polisia.kz Telegram arnasyna silteme jasap.
"16 qarasha saǵat 14:00 shamasynda 34 jastaǵy "Honda Avancier" markaly avtokólik júrgizýshisi Shelek aýyly, B.Momyshuly kóshesimen shyǵys baǵytta qozǵalyp kele jatyp, atalǵan kósheni jaiaý júrginshiler ótkelimen soltústikten ońtústikke qarai kesip ótken 12 jastaǵy jaiaý júrginshini qaǵyp ketken.
Jol-kólik oqiǵasy saldarynan kámeletke tolmaǵan bala alǵan dene jaraqatynan oqiǵa ornynda qaza boldy", - delingen habarlamada.
Atalǵan fakt QR QK 345-babynyń 3-bóligi boiynsha Eńbekshiqazaq aýdandyq politsiia basqarmasynyń SDTBT-da tirkelip, barlyq qajetti saraptamalar taǵaiyndalǵan.
