Almaty oblysynyń Sarqan aýdanynda ǵasyr jasaǵan qart ana sailaýda daýys berdi, dep habarlaidy "Ult aqparat".
Sarqan aýdanynda 110 jastaǵy Altynhan Beldeýbai sailaýdan tysqary qalmai óz daýsyn berdi. Aq bastasyn bergen keiýana sailaýdyń keleshegimiz úshin mańyzdy ekendigin jetkizdi.
«Táýelsiz elimizdiń bolashaǵy degende barlyǵymyz bir kisidei alańdaýmyz kerek. Osyndai beibit kúndi halqymyz kóp ańsady. Sol ortaq Táýelsizdikti baǵalaýymyz kerek. Meniń jasym júzden asyp ketse de, eshqashan sailaýdan tys qalǵan emespin. Sailaýǵa ár azamattyń barýy mindetti. Sailaýda elimizdiń bolashaǵy sheshiletin kún. Oǵan bei-jai qaramaǵan jón. Elimiz aman, jurtymyz tynysh, ár otbasyna bereke-birlik tileimin». - dedi qart anamyz.
Aita keteiik, búgingi sailaýǵa Sarqan aýdany boiynsha 28 myńnan astam sailaýshy óz daýystaryn bermek.
Jalpy Almaty oblysy boiynsha daýys berýshilerdiń sany 1mln 400 myńnan asady. Olar úshin 1053 sailaý ýchaskesi jumys istep tur.
