Almaty oblysynda 3 jastaǵy qyz aýladaǵy dárethanaǵa qulap, aman qaldy. Ony 10 jastaǵy kórshisi qutqaryp qalǵan, - dep habarlaidy QazAqparat.
«Oqiǵa 14 shilde kúni Almaty oblysynyń Qarasai aýdanyna qarasty Irgeli aýylynda bolǵan. 2019 jylǵy qyz bala aýladaǵy dárethanaǵa qulap, ony 10 jastaǵy kórshisi qutqaryp shyqty», - delingen Almaty oblystyq Tótenshe jaǵdailar departamentiniń baspasóz qyzmeti taratqan habarlamada.
Vedomstvonyń aqparatyna sáikes, Álihan dárethananyń shuńqyryna túsýge ákesinen ózi suranǵan. Sebebi, balanyń ákesi ájethana tesigine syimaǵan. Osy sátte ol ulyn arqanmen bailap, dárethananyń ishine túsirip, aldymen qyzdy, sodan keiin ulyn tez shyǵaryp alǵan.
«Balalar ýly gazben tunshyǵyp ketýi múmkin edi. Biraq balanyń batyl jáne tez áreketteriniń arqasynda ekeýi de meditsinalyq kómekke muqtaj bolmady. Álihan kórshi qyzdyń ómirin saqtap qalǵany úshin vedomstvolyq marapatqa usynylady»,- dep tolyqtyrdy vedomstvonyń baspasóz qyzmeti.
