Ulttyq ekonomika ministri Álibek Qýantyrov jańadan qurylatyn oblystardyń áleýmettik-ekonomikalyq kórsetkishterine toqtaldy.
Ministrdiń aitýynsha, bolashaqta Almaty oblysy dotatsiialyq óńirden donor oblysqa ainalýy múmkin, dep habarlaidy Sputnik Qazaqstan.
"Qazir qaita uiymdastyrylatyn úsh óńir buǵan deiin dotatsiialyq oblys bolǵan. Olardyń quramynan jańa oblystar bólinip shyqqan soń, olar aiaq astynan donor bola salmaidy. Sol sebepti, bizdiń boljam boiynsha, osy óńirler "dotatsiialyq" oblys bolyp qalady. Biraq Almaty oblysy bolashaqta respýblikalyq biýdjettiń donoryna ainalýy múmkin. Onyń buǵan potentsialy bar", - dedi Qýantyrov ortalyq kommýnikatsiialar qyzmetinde ótken brifingte.
Aitýynsha, búgingi tańda tórt óńir – Atyraý jáne Mańǵystaý oblystary, Nur-Sultan jáne Almaty qalalary respýblikalyq biýdjettiń donory, al qalǵan óńirler – dotatsiialyq.
Osy jyldyń qorytyndysy boiynsha Abai oblysy boiynsha jalpy óńirlik ónimniń (JÓÓ) kólemi 2 trln teńgege deiin, Jetisý oblysy – 1,1 trln teńgege deiin, Ulytaý oblysynda 1,3 trln teńgege deiin ulǵaiady dep kútilýde.
Biyl Abai oblysynda jan basyna shaqqandaǵy JÓÓ 3,1 mln teńge, Jetisý oblysynda 1,6 mln teńge, Ulytaý oblysynda 5,5 mln teńge shamasynda boljanyp otyr.
Qýantyrov jańa oblys ortalyqtaryn damytý maqsatynda qajet bolǵan jaǵdaida Semei, Jezqazǵan, jáne Qonaev qalalaryn áleýmettik-ekonomikalyq damytýdyń keshendi josparlary ázirlenip, ózektendiriletinin atap ótti.
