Foto: gov.kz
Almaty oblysy bilim basqarmasynyń burynǵy basshysy Maigúl Omarova 10 jylǵa sottaldy.
Jetisý oblysynyń qylmystyq ister jónindegi mamandandyrylǵan aýdanaralyq sotynyń habarlaýynsha, biyl 21 aqpanda asa iri mólsherde para alý, para berý jáne alaiaqtyq qylmystyry boiynsha sotqa berilgen Almaty oblystyq bilim salasyndaǵy tórt laýazymdy tulǵaǵa qatysty qylmystyq is qaraldy.
«2020 jyldyń tamyz jáne qarasha ailary ýaqyt aralyǵynda basqarma bastyǵy O. laýazymdy tulǵa bola tura, paidakúnemdik maqsatta áreket etý úshin aldyn ala memlekettik fýnktsiialardy iske asyrýǵa ýákiletti A.-men sóz bailasyp, ózderiniń qyzmettik ýákildikterine kiretin áreketterdi para berýshilerdiń paidasyna iske asyrǵan. Sol arqyly bir kózden memlekettik satyp alý shartynyn somasynyń 10 paiyzy kóleminde para alý maqsatynda A.- daiyndaǵan M.-men N.- ǵa baǵynyshty JK-men Almaty oblysynyń bilim berý mekemelerine qashyqtyqta oqytýǵa arnalǵan noýtbýkterdi satyp alý týraly osy kelisim shartqa qol qoiǵan», - dep atap ótti sot ókilderi.
Osydan keiin laýazymdy tulǵalar ózderiniń alaiaqtyq jolmen biýdjetke tiesili qarajatty jymqyrýǵa baǵyttalǵan qylmystyq josparlaryn iske asyryp, atalǵan noýtbýkterge litsenziialanbaǵan «Microsoft Windows» baǵdarlamasyn esh shyǵynsyz internet jelisinen júkteý arqyly ózderi ornatqan.
«Kinálilerdiń qylmystyq áreketteri saldarynan memleketke 122 996 086 tenge kóleminde asa iri zalal keltirilgen», - delingen sot habarlamasynda.
Jasalǵan qylmystar úshin zańmen 10-nan 15 jylǵa deiingi bas bostandyǵynan aiyrý jazasy kózdelgen.
Jaza taǵaiyndaý kezinde sot qylmystyq jaýapkershilik pen jazany jeńildetetin mán jailardy – A. men N.-de jas balalarynyń baryn eskergen. QR Qylmystyq kodeksiniń 54-babyna sai, qylmystyq jaýapkershilik pen jazany aýyrlatatyn mán-jaiǵa sot O. men A.-nyń kásibi antyn buzǵanyn eskerdi.
«Sot úkimimen O. men A. Qylmystyq kodekstiń 366-batynyń 4-bóligi boiynsha kináli dep tanyldy, olarǵa osy bappen memlekettik qyzmette laýazymdardy atqarýǵa ómir boiyna tyiym salyna otyryp, 10 jyl merzimge bas bostandyǵynan aiyrý jazasy taǵaiyndaldy», - delingen habarlamada.
Taǵy eki laýazymdy tulǵa kináli dep tanylyp, osy baptarmen olarǵa túpkilikti memlekettik qyzmette laýazymdardy atqarýǵa ómir boiyna tyiym salyna otyryp, 11 jyl merzimge bas bostandyǵynan aiyrý jazasy taǵaiyndaldy.
Úkim zańdy kúshine endi.
