فوتو: gov.kz
الماتى وبلىسى بٸلٸم باسقارماسىنىڭ بۇرىنعى باسشىسى مايگٷل وماروۆا 10 جىلعا سوتتالدى.
جەتٸسۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ حابارلاۋىنشا, بيىل 21 اقپاندا اسا ٸرٸ مٶلشەردە پارا الۋ, پارا بەرۋ جەنە الاياقتىق قىلمىستىرى بويىنشا سوتقا بەرٸلگەن الماتى وبلىستىق بٸلٸم سالاسىنداعى تٶرت لاۋازىمدى تۇلعاعا قاتىستى قىلمىستىق ٸس قارالدى.
«2020 جىلدىڭ تامىز جەنە قاراشا ايلارى ۋاقىت ارالىعىندا باسقارما باستىعى و. لاۋازىمدى تۇلعا بولا تۇرا, پايداكٷنەمدٸك ماقساتتا ەرەكەت ەتۋ ٷشٸن الدىن الا مەملەكەتتٸك فۋنكتسييالاردى ٸسكە اسىرۋعا ۋەكٸلەتتٸ ا.-مەن سٶز بايلاسىپ, ٶزدەرٸنٸڭ قىزمەتتٸك ۋەكٸلدٸكتەرٸنە كٸرەتٸن ەرەكەتتەردٸ پارا بەرۋشٸلەردٸڭ پايداسىنا ٸسكە اسىرعان. سول ارقىلى بٸر كٶزدەن مەملەكەتتٸك ساتىپ الۋ شارتىنىن سوماسىنىڭ 10 پايىزى كٶلەمٸندە پارا الۋ ماقساتىندا ا.- دايىنداعان م.-مەن ن.- عا باعىنىشتى جك-مەن الماتى وبلىسىنىڭ بٸلٸم بەرۋ مەكەمەلەرٸنە قاشىقتىقتا وقىتۋعا ارنالعان نوۋتبۋكتەردٸ ساتىپ الۋ تۋرالى وسى كەلٸسٸم شارتقا قول قويعان», - دەپ اتاپ ٶتتٸ سوت ٶكٸلدەرٸ.
وسىدان كەيٸن لاۋازىمدى تۇلعالار ٶزدەرٸنٸڭ الاياقتىق جولمەن بيۋدجەتكە تيەسٸلٸ قاراجاتتى جىمقىرۋعا باعىتتالعان قىلمىستىق جوسپارلارىن ٸسكە اسىرىپ, اتالعان نوۋتبۋكتەرگە ليتسەنزييالانباعان «Microsoft Windows» باعدارلاماسىن ەش شىعىنسىز ينتەرنەت جەلٸسٸنەن جٷكتەۋ ارقىلى ٶزدەرٸ ورناتقان.
«كٸنەلٸلەردٸڭ قىلمىستىق ەرەكەتتەرٸ سالدارىنان مەملەكەتكە 122 996 086 تەنگە كٶلەمٸندە اسا ٸرٸ زالال كەلتٸرٸلگەن», - دەلٸنگەن سوت حابارلاماسىندا.
جاسالعان قىلمىستار ٷشٸن زاڭمەن 10-نان 15 جىلعا دەيٸنگٸ باس بوستاندىعىنان ايىرۋ جازاسى كٶزدەلگەن.
جازا تاعايىنداۋ كەزٸندە سوت قىلمىستىق جاۋاپكەرشٸلٸك پەن جازانى جەڭٸلدەتەتٸن مەن جايلاردى – ا. مەن ن.-دە جاس بالالارىنىڭ بارىن ەسكەرگەن. قر قىلمىستىق كودەكسٸنٸڭ 54-بابىنا ساي, قىلمىستىق جاۋاپكەرشٸلٸك پەن جازانى اۋىرلاتاتىن مەن-جايعا سوت و. مەن ا.-نىڭ كەسٸبي انتىن بۇزعانىن ەسكەردٸ.
«سوت ٷكٸمٸمەن و. مەن ا. قىلمىستىق كودەكستٸڭ 366-باتىنىڭ 4-بٶلٸگٸ بويىنشا كٸنەلٸ دەپ تانىلدى, ولارعا وسى باپپەن مەملەكەتتٸك قىزمەتتە لاۋازىمداردى اتقارۋعا ٶمٸر بويىنا تىيىم سالىنا وتىرىپ, 10 جىل مەرزٸمگە باس بوستاندىعىنان ايىرۋ جازاسى تاعايىندالدى», - دەلٸنگەن حابارلامادا.
تاعى ەكٸ لاۋازىمدى تۇلعا كٸنەلٸ دەپ تانىلىپ, وسى باپتارمەن ولارعا تٷپكٸلٸكتٸ مەملەكەتتٸك قىزمەتتە لاۋازىمداردى اتقارۋعا ٶمٸر بويىنا تىيىم سالىنا وتىرىپ, 11 جىل مەرزٸمگە باس بوستاندىعىنان ايىرۋ جازاسى تاعايىندالدى.
ٷكٸم زاڭدى كٷشٸنە ەندٸ.
