Almaty oblystyq bilim basqarmasynyń basshysy Maigúl Omarovanyń qamaýda otyrǵanyn oblystyq prokýratýra rastady, dep habarlaidy "Ult aqparat".
Sot sanktsiiasyna sáikes 51 jastaǵy basqarma basshysy sybailasymen birge eki aiǵa qamaýǵa alynǵan.
Iaǵni, Maigúl Omarovamen qatar bul iske qatysy bar óńirlik aqparattyq tehnologiialar ortalyǵynyń direktory 28 jastaǵy Arapbi Meńlibaev eki aiǵa qamalsa, bilim basqarmasynyń bas mamany, 31 jastaǵy Baqyt Abdoldanova úiqamaqta.
«4 aqpanda Taldyqorǵan mamandandyrylǵan tergeý soty kúdiktiler M.T. Omarova men A.A. Meńlibaevqa qatysty eki aiǵa kúzetpen ustaý túrindegi bultartpaý sharasyn sanktsiialady. Kúdikti B.S. Abdoldanova úiqamaqqa alyndy» dep habarlady Almaty oblysynyń prokýratýra ókilderi.
Tergeý materialdaryna sáikes, Maigúl Omarova 2020 jyldyń qazan-qarasha ailarynda jalpy somasy 406 million teńgege 2522 noýtbýk jetkizýge jáne pandemiiamen kúres boiynsha daǵdarysqa qarsy sharalar sheńberinde satyp alynǵan noýtbýkterdi kedergisiz qabyldaýǵa memlekettik satyp alý shartyn jasaǵan.
