Sýret: Iztýrgan Aldaýev
Almaty irgesinde "Ashyq aspan" aktsiiasy ótti. Onda parashiýtshi Qazaqstan Týyn alyp ushty, - dep habarlaidy Tengrinews.kz agenttigi.
Almaty irgesindegi "Baiserke" aerodromynda Respýblika kúnine arnalǵan biregei "Ashyq aspan" aktsiiasy ótti. Kásibi parashiýtshy Qazaqstannyń eń úlken Týyn alyp, tikushaqtan sekirdi. Ol el rekordyn ornatty.
Osylaisha, aktsiiaǵa qatysýshylar men uiymdastyrýshylar barsha qazaqstandyqtyń patriottyq rýhyn nyǵaityp, eldi aitýly merekemen quttyqtaǵysy kelgen.
Sýret: Iztýrgan Aldaýev
Aktsiiaǵa túrli sala ókilderi men janashyr azamattardan quralǵan metsenattar qoldaý kórsetken.
Elordanyń bas tuǵyrynda turǵan eń úlken týdyń kólemi 450 sharshy metrdi qurasa, áýede jelbiregen týdyń kólemi 800 sharshy metr bolǵan. Bul biregei oqiǵa úshin arnaiy jasalyp, nátijesi Qazaqstannyń rekordtar kitabyna engen.
Sýret: Iztýrgan Aldaýev
Uiymdastyrýshylardyń aitýynsha, bulai sekirý úshin ondaǵan jyl daiyndyq qajet. Eń úlken týdy alyp sekirgen tájiribeli nusqaýshy Oleg Toshev eken. Ol osymen 5831 ret parashiýtpen sekirgen.
Aktsiiany uiymdastyrýshylar mundai is-sharalardy jyl saiyn ótkizýge jáne bul tek Almatyda ǵana emes, elimizdiń barlyq óńirinde jalǵasady dep úmittenedi.
