Almaty oblysy ákimdigi ne sebepti kómir tasymaldaýǵa bailanysty qiyndyqtar bolyp jatqanyn túsindirdi, dep habarlaidy "Ult aqparat" ákimniń baspasóz qyzmetine silteme jasap.
«Aýa raiynyń kúrt sýytyna bailanysty 20-24 qańtar kúni kómir óndirisi kidirip qaldy. Osynyń saldarynan Almaty oblysyna kómir tasymaldaýshylardyń kestesi buzyldy. Biylǵy jyldyń 25 qańtarynan bastap kómir rezervindegi jumystar kestege sai júrgizile bastady. Dál qazir kómir tasymaldaýǵa qatysty jaǵdai turaqtaldy», - deidi Almaty oblysy ákiminiń orynbasary Aidarbek Baijanov.
Munymen qatar, Baijanov atalǵan aimaq turǵyndarynyń 1 308 myń tonna kóleminde kómir satyp alǵandaryn aityp ótti. Bul qajetti kólemniń 93 paiyzyn quraidy.
«Almaty oblysyndaǵy «Oiqaraǵai» razrezinde 29 640 tonna kómir bar. Onyń ortasha baǵasy – 15,5 myń teńge», - deidi ákimniń orynbasary.
