الماتى وبلىسى ەكٸمدٸگٸ نە سەبەپتٸ كٶمٸر تاسىمالداۋعا بايلانىستى قيىندىقتار بولىپ جاتقانىن تٷسٸندٸردٸ, دەپ حابارلايدى "ۇلت اقپارات" ەكٸمنٸڭ باسپاسٶز قىزمەتٸنە سٸلتەمە جاساپ.
«اۋا رايىنىڭ كٷرت سۋىتىنا بايلانىستى 20-24 قاڭتار كٷنٸ كٶمٸر ٶندٸرٸسٸ كٸدٸرٸپ قالدى. وسىنىڭ سالدارىنان الماتى وبلىسىنا كٶمٸر تاسىمالداۋشىلاردىڭ كەستەسٸ بۇزىلدى. بيىلعى جىلدىڭ 25 قاڭتارىنان باستاپ كٶمٸر رەزەرۆٸندەگٸ جۇمىستار كەستەگە ساي جٷرگٸزٸلە باستادى. دەل قازٸر كٶمٸر تاسىمالداۋعا قاتىستى جاعداي تۇراقتالدى», - دەيدٸ الماتى وبلىسى ەكٸمٸنٸڭ ورىنباسارى ايداربەك بايجانوۆ.
مۇنىمەن قاتار, بايجانوۆ اتالعان ايماق تۇرعىندارىنىڭ 1 308 مىڭ توننا كٶلەمٸندە كٶمٸر ساتىپ العاندارىن ايتىپ ٶتتٸ. بۇل قاجەتتٸ كٶلەمنٸڭ 93 پايىزىن قۇرايدى.
«الماتى وبلىسىنداعى «ويقاراعاي» رازرەزٸندە 29 640 توننا كٶمٸر بار. ونىڭ ورتاشا باعاسى – 15,5 مىڭ تەڭگە», - دەيدٸ ەكٸمنٸڭ ورىنباسارى.
