Almaty oblysynyń ákimi Amandyq Batalov aýrýhananyń bir bóliminde jalǵyz jatyr degen aqparatty ákimdiktiń baspasóz qyzmeti joqqa shyǵardy, dep habarlaidy QazAqparat.
Instagram jelisinde 85 myńnan astam oqyrmany bar «Taldykorganets» paraqshasynda Amandyq Batalovtyń aýrýhananyń bir bóliminde jalǵyz em alyp jatqany jariialandy.
«Batalov Taldyqorǵan qalasynda ornalasqan kópsalaly aýrýhanada jatyr. Jáne ol sol blogta jalǵyz jatyr. Sonyń saldarynan qarapaiym naýqastardy aýdandarǵa jiberýde. Ol jerge tek bas dáriger ǵana kirip-shyǵa alady» delingen avtory kórsetilmegen jazbada.
QazAqparat tilshisi Almaty oblysy ákiminiń baspasóz hatshysy Ǵalymurat Júkelge habarlasyp, mán-jaidy anyqtap bildi.
«Amandyq Batalovtyń Taldyqorǵandaǵy kópsalaly aýrýhanada jatqany ras. Biraq ol jalǵyz ózi bir bólimde jatyr degen aqparat jalǵan. Ol kisimen birge bir bólmede 11 adam em alyp jatyr. Olardyń arasy arnaiy jabdyqpen bólingen», - dedi Ǵalymurat Júkel.
Esterińizge sala keteiik, 22 maýsym kúni Almaty oblysynyń ákimi Amandyq Batalovtyń koronavirýs juqtyrǵanyn habarlaǵan bolatynbyz.
