الماتى وبلىسىنىڭ ەكٸمٸ اماندىق باتالوۆ اۋرۋحانانىڭ بٸر بٶلٸمٸندە جالعىز جاتىر دەگەن اقپاراتتى ەكٸمدٸكتٸڭ باسپاسٶز قىزمەتٸ جوققا شىعاردى, دەپ حابارلايدى قازاقپارات.
Instagram جەلٸسٸندە 85 مىڭنان استام وقىرمانى بار «تالدىكورگانەتس» پاراقشاسىندا اماندىق باتالوۆتىڭ اۋرۋحانانىڭ بٸر بٶلٸمٸندە جالعىز ەم الىپ جاتقانى جارييالاندى.
«باتالوۆ تالدىقورعان قالاسىندا ورنالاسقان كٶپسالالى اۋرۋحانادا جاتىر. جەنە ول سول بلوگتا جالعىز جاتىر. سونىڭ سالدارىنان قاراپايىم ناۋقاستاردى اۋداندارعا جٸبەرۋدە. ول جەرگە تەك باس دەرٸگەر عانا كٸرٸپ-شىعا الادى» دەلٸنگەن اۆتورى كٶرسەتٸلمەگەن جازبادا.
قازاقپارات تٸلشٸسٸ الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەلگە حابارلاسىپ, مەن-جايدى انىقتاپ بٸلدٸ.
«اماندىق باتالوۆتىڭ تالدىقورعانداعى كٶپسالالى اۋرۋحانادا جاتقانى راس. بٸراق ول جالعىز ٶزٸ بٸر بٶلٸمدە جاتىر دەگەن اقپارات جالعان. ول كٸسٸمەن بٸرگە بٸر بٶلمەدە 11 ادام ەم الىپ جاتىر. ولاردىڭ اراسى ارنايى جابدىقپەن بٶلٸنگەن», - دەدٸ عالىمۇرات جٷكەل.
ەستەرٸڭٸزگە سالا كەتەيٸك, 22 ماۋسىم كٷنٸ الماتى وبلىسىنىڭ ەكٸمٸ اماندىق باتالوۆتىڭ كوروناۆيرۋس جۇقتىرعانىن حابارلاعان بولاتىنبىز.
