Búgin Almaty oblysy ákimi Amandyq Batalov Ardagerler uiymynyń 30 jyldyǵyna orai óńir ardagerleri úshin saltanatty qabyldaý ótkizdi. Kezdesýde oblys basshysy men qariialar pikir almasyp, keńinen áńgimelesti.
Ardagerlerge aldymen oblystyń 9 aidaǵy áleýmettik-ekonomikalyq damýy týraly baiandaǵan oblys basshysy aldaǵy josparlar jaiynda da aityp ótti.
- Biz ótken 9 aidaǵy áleýmettik-ekonomikalyq damý qorytyndylaryn jasadyq. Kórsetkishterimiz jaman emes. Óńirde Memleket basshysy Nursultan Ábishuly Nazarbaevtyń aldymyzǵa qoiǵan mindetteri negizinde aýqymdy jumystar atqarylýda. Jaqyn kúnderi Aqsý qant zaýytyn iske qosamyz. Búgingi kúni zaýyt qyzylshany óńdeýge qabyldap jatyr. Jańǵyrtý jasalǵan Kóksý qant zaýyty da qazir tolyqqandy jumys istep tur. Oǵan sońǵy 3 jylda investorlar 3 mlrd. teńgege jýyq qarjy quidy. Maýsymaralyq kezeńde oǵan qosa Qarabulaq qant zaýyty da jumys jasasa, oblysta turaqty qant klasteri qurylyp, halyqty qantpen qamatamasyz etýge yqpal eter edi, - dedi A. Batalov.
Oblys basshysy munan soń shekaralyq aimaqtardyń jaǵdaiyna, «Nurly jer», «Nurly jol» baǵdarlamalarynyń oryndalý barysyna da toqtalyp ótti. A. Batalov memlekettik-jekemenshik áriptestik tetigi arqyly balalardy balabaqshamen qamtý deńgeii jyl sońyna deiin 95 % jetetinin de aitty. Sol siiaqty halyqty ortalyqtandyrylǵan aýyz sýmen qamtýǵa, oblystyq mańyzdaǵy, aýylishilik joldarǵa da da kóńil bólinip otyrǵany tilge tiek etildi.
Óz kezeginde ardagerler oblys damýy, sonyń ishinde Aqsý qant zaýytynyń iske qosylýy erekshe qýantqanyn atap ótti.
- Aýdanymyzdyń turǵyndary 10 jyldan beri toqtap turǵan Aqsý qant zaýytynyń qaita iske kiriskenine asa qýanyshty. Bul – úlken jetistik, - dedi Aqsý aýdandyq ardagerler keńesiniń tóraǵasy Amangeldi Aitbaev.
«Dala arýy» atanǵan júgeri daqylyn ósirýdiń ilgerileýine Sotsialistik Eńbek Eri, Almaty oblysynyń Qurmetti azamaty Kúlásh Aitjanova rizashylyǵyn bildirdi.
- Júgeri - qashannan oblysymyzdyń basym baǵyttaǵy daqyldarynyń biri. Qazir zaýytymyz tolyqqandy jumys istep tur. Endi tuqymnyń gibridin, ózimizdiń tuqymdyq qorymyzdy qalyptastyrýǵa jumys isteýimiz kerek, - dep atap ótti K.Aitjanova.
Aitylǵan usynys-pikirlerge rizashylyǵyn bildirgen oblys basshysy aldaǵy ýaqytta tuqym sharýashylyǵyn damytýǵa baǵyttalǵan arnaiy zerthana ashylatynyn aitty. Bul baǵytta qazir jumystar júrip jatyr.
«Taqiialy perishte - 2» filminiń Taldyqorǵanda tusaýkeserin ótkizý týraly aitqan Mádeniet salasynyń eńbek sińirgen qairatkeri, belgili akter Álimǵazy Raiymbekovtiń usynysy ákim tarapynan qoldaý tapty.
Kezdesý sońynda ardagerler oblystyń damýyna jáne «Rýhani jańǵyrý» baǵdarlamasyn júzege asyrýǵa, jas urpaqty tárbieleýge óz úlesterin qosatyndyqtaryn jetkizdi.
Munan soń Amandyq Batalov ardagerlermen birge oblystyń Qurmetti azamaty, qoǵam qairatkeri Bátima Saqaýovanyń úiine baryp, uiymnyń 30 jyldyǵymen quttyqtap qaitty.
