Qalanyń bas memlekettik sanitar dárigeriniń jańa qaýlysyna sáikes Almaty koronavirýs boiynsha «qoiý qyzyl» aimaqqa ótti, dep habarlaidy "Ult aqparat".
Ol jaiynda qalanyń sanitarlyq-epidemiologiialyq baqylaý departamenti basshysynyń orynbasary Ásel Qalyqova túsindirip berdi.
«Nelikten Almaty «qoiý qyzyl» aimaqqa kirdi? Bul - eń aldymen aldyn alý sharasy. Táýlik saiyn turǵyndar arasynda koronavirýs infektsiiasyn juqtyrýdyń 1200-1500-den astam jaǵdaiy tirkelip otyr», - dep atap ótti ol.
Ol sondai-aq qara qyzyl aimaqty anyqtaý úshin qandai kriteriiler bar ekenin túsindirdi.
«Bas memlekettik sanitarlyq dárigerdiń qaýlysyna sáikes jalǵyz kriterii belgilendi. Ol – infektsiialyq statsionarlardaǵy, atap aitqanda KVI juqtyrǵan naýqastardy emdeýge arnalǵan statsionarlardaǵy tósek-orynnyń tolýy», - dedi spiker.
Sondai-aq, Ásel Qalyqova qoǵamdyq densaýlyq saqtaý basqarmasynyń málimetinshe, aýrýhanalardaǵy tolyp qalǵan oryndardyń úlesi 65,6% quraitynyn atap ótti.
Barlyǵy 7 625 oryn bólindi, onyń ishinde 7 045 oryn tolyp qalǵan.
Buǵan deiin Almatynyń bas sanitar dárigeri Jandarbek Bekshin karantin týraly jańa qaýlyǵa qol qoiǵan bolatyn.
