قالانىڭ باس مەملەكەتتٸك سانيتار دەرٸگەرٸنٸڭ جاڭا قاۋلىسىنا سەيكەس الماتى كوروناۆيرۋس بويىنشا «قويۋ قىزىل» ايماققا ٶتتٸ, دەپ حابارلايدى "ۇلت اقپارات".
ول جايىندا قالانىڭ سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا تٷسٸندٸرٸپ بەردٸ.
«نەلٸكتەن الماتى «قويۋ قىزىل» ايماققا كٸردٸ? بۇل - ەڭ الدىمەن الدىن الۋ شاراسى. تەۋلٸك سايىن تۇرعىندار اراسىندا كوروناۆيرۋس ينفەكتسيياسىن جۇقتىرۋدىڭ 1200-1500-دەن استام جاعدايى تٸركەلٸپ وتىر», - دەپ اتاپ ٶتتٸ ول.
ول سونداي-اق قارا قىزىل ايماقتى انىقتاۋ ٷشٸن قانداي كريتەرييلەر بار ەكەنٸن تٷسٸندٸردٸ.
«باس مەملەكەتتٸك سانيتارلىق دەرٸگەردٸڭ قاۋلىسىنا سەيكەس جالعىز كريتەريي بەلگٸلەندٸ. ول – ينفەكتسييالىق ستاتسيونارلارداعى, اتاپ ايتقاندا كۆي جۇقتىرعان ناۋقاستاردى ەمدەۋگە ارنالعان ستاتسيونارلارداعى تٶسەك-ورىننىڭ تولۋى», - دەدٸ سپيكەر.
سونداي-اق, ەسەل قالىقوۆا قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, اۋرۋحانالارداعى تولىپ قالعان ورىنداردىڭ ٷلەسٸ 65,6% قۇرايتىنىن اتاپ ٶتتٸ.
بارلىعى 7 625 ورىن بٶلٸندٸ, ونىڭ ٸشٸندە 7 045 ورىن تولىپ قالعان.
بۇعان دەيٸن الماتىنىڭ باس سانيتار دەرٸگەرٸ جانداربەك بەكشين كارانتين تۋرالى جاڭا قاۋلىعا قول قويعان بولاتىن.
