Almatyda metropolitenniń damý syzbasy tanystyryldy. Qalanyń bas josparynda 60 metro beketi qarastyrylǵan, al marshrýttyń uzyndyǵy 91,6 shaqyrymdy quraidy, dep habarlaidy "Ult aqparat".
Almatynyń Bas josparyn túzetýdi talqylaý barysynda «Almatygiprogor-1» kompaniiasy bas direktorynyń orynbasary Altai Satybaldiev metronyń damý syzbasymen tanystyrdy, oǵan sáikes birinshi metro jelisi 24 shaqyrymdy (jalpy 22 stantsiia) qamtýy kerek. Búgingi kúni 9 stantsiia (11,2 shaqyrym) paidalanýǵa berildi. Ekinshi jeli 18 beketti (29,2 shaqyrym), úshinshi jeli - 18 beketti (27,2 shaqyrym) qamtamasyz etedi.
Metro joldary salynǵan syzbada birinshi jeliniń «Qalqaman» shaǵynaýdanyndaǵy Batys avtovokzalynan bastap Qapshaǵaidaǵy Gate City qalashyǵyna deiin jalǵasyp jatqanyn kórýge bolady.
Kartadaǵy ekinshi metro jelisi kók túspen belgilengen jáne ol Altyn Orda aýdanynan bastalyp, áýejai aimaǵynda deiin sozylǵan.
Úshinshi jeli jasyl túspen boialǵan. Ol áýejaidan «Han-Táńiri» turǵyn úi keshenine deiin jalǵasady (ál-Farabi dańǵylynan joǵary).
Is-shara barysynda sarapshylar men qoǵam belsendileri bul jobanyń 2030 jylǵa deiin júzege asyrylady degenge kúmánmen qarady. Sebebi, mynandai aýqymdy jobaǵa ýaqyt tym az.
«Biz metronyń birinshi jelisin 2030 jylǵa qarai júzege asyramyz dep otyrmyz. Eger metropolitendi júie retinde alsaq, onda ol úsh jeli bolǵanda ǵana jumys isteidi. Bul úshburysh. Iaǵni, jolda turǵan adam kez kelgen ýaqytta basqa jolǵa aýysa alady: ekinshi nemese úshinshi jelige. Kók, qyzyl, sary», - dedi «Almatygiprogor-1 « direktorynyń orynbasary Altai Satybaldiev.
Sonymen qatar, ol metropolitendi bas josparda ne úshin paidalaný kerektigin túsindirdi.
«Biz dálizderdi salyp jatyrmyz, óitkeni qala damidy. Eger metro stantsiialary belgili bolsa, onda biz qala qurylysy josparynda aýmaqty metropolitendi eskere otyryp damytamyz. Metro jelisi 15 jyldan keiin paida bolýy múmkin, biraq biz muny eskerýimiz kerek», - dep qosty ol.
