Bomba qoiylǵany týraly aqparatqa bailanysty Almatydaǵy metronyń barlyq stantsiialarynan adamdar qaýipsiz aimaqqa kóshirilýde, dep habarlaidy "Ult aqparat".
«Metroǵa bomba qoiyldy degen jasyryn habarlama IIB-na keshki saǵat 7-00-der shamasynda kelip tústi», - dedi «Metropoliten» mekemesiniń baspasóz hatshysy Ajar Habieva.
«Qazirgi ýaqytta tekserý jumystary júrip jatyr, barlyq stantsiialardan adamdar evakýatsiialanýda. Jolaýshylardyń qaýipsizdigin qamtamasyz etý boiynsha birinshi kezektegi sharalar qoldanylýda. Azamattardy úrei týdyrmai, sabyrlyq saqtaýǵa shaqyramyz. Qosymsha aqparattar jaǵdaidyń qalyptasýyna qarai keshirek jariialanady», - dedi Almaty qalalyq IID.
