Almaty metrosynda sómkesinde qaýipti zat bar ekenin aityp, orynsyz ázildegen 22 jastaǵy qala turǵyny bes táýlikke ákimshilik qamaýǵa alyndy, dep habarlaidy ult.kz.
Oqiǵa «Raiymbek» metro stantsiiasynda bolǵan. Tekserý kezinde jas jigit qaýipsizdik qyzmetkerine sómkesinde qaýipti zat bar ekenin aitqan. Aqparat birden politsiiaǵa jetkizilip, oqiǵa ornyna jedel qyzmetter jumyldyryldy.
Quqyq qorǵaý organdary metro aýmaǵyn tolyq teksergenimen, eshqandai qaýipti nemese tyiym salynǵan zat anyqtalmady. Keiin jas jigit muny ázil retinde aitqanyn moiyndaǵan.
Politsiianyń málimetinshe, mundai áreketter qoǵamdyq qaýipsizdikke qaýip tóndiredi jáne barlyq osyndai habarlamalar mindetti túrde muqiiat tekseriledi.
Almaty qalasynyń mamandandyrylǵan aýdanaralyq ákimshilik quqyq buzýshylyqtar jónindegi sotynyń qaýlysymen quqyq buzýshy ákimshilik jaýapkershilikke tartylyp, bes táýlikke ákimshilik qamaýǵa alyndy.
Politsiia jalǵan habarlamalardyń saldary aýyr bolýy múmkin ekenin eskertip, kórineý jalǵan aqparat taratqany úshin zańnamada qylmystyq jaýapkershilik qarastyrylǵanyn eske saldy.
