Almaty «Metropoliten» KMK basshylyǵyna Saǵyndyq Telibaev taǵaiyndaldy, dep habarlaidy "Ult aqparat".
Almaty ákiminiń birinshi orynbasary Erlan Qojaǵapanov jańa basshyny uiym qyzmetkerlerine tanystyrdy.
Sonymen qatar, ol qala ákimi metropolitenniń aldyna birqatar naqty mindetter qoiǵanyn atap ótti. Bul jolaýshylarǵa qyzmet kórsetý sapasynyń jaqsarýy, qaýipsizdik deńgeiiniń joǵarylaýy, jolaýshylar aǵynynyń artýy. Sondai-aq, ol Saǵyndyq Telibaevtyń tájiribeli menedjer, kólik salasynda mol tájiribesi bar ekenin tilge tiek etti. Jalpy metrony odan ári damytýǵa erekshe nazar aýdarýdy tapsyrdy.
Saǵyndyq Telibaev metropolitendegi eńbek jolyn «Almatymetrokrylys» AQ kúrdeli qurylys basqarmasynyń tehnikalyq inspektory bolyp bastady. Keiin kúrdeli qurylys bóliminiń jetekshi injeneri, Almaty qalasynyń «Metropoliten» KMK tehnikalyq bóliminiń jetekshi injeneri boldy.
Al Memlekettik qyzmettegi eńbek jolyn Almaty qalasy Jolaýshylar kóligi jáne avtomobil joldary basqarmasynda jol infraqurylymy bóliminiń mamany bolyp bastady. Sońǵy birneshe jylda Almaty qalalyq mobildilik basqarmasynyń basshysy boldy.
