Foto: gov.kz
Almaty metropoliteniniń qurylysy kezinde oryn alǵan qarjy jymqyrý isi kassatsiialyq tártippen qaita qaralyp, jańa mán-jailar anyqtaldy. Tekserý nátijesinde úshinshi bir zańdy tulǵanyń bank shottarynan tabylǵan 127 million teńge memleket paidasyna qaitaryldy, dep habarlaidy Ult.kz.
Qazaqstan Respýblikasy Bas prokýratýrasy málimetinshe, «Metropoliten» kommýnaldyq memlekettik kásipornynyń laýazymdy tulǵalary merdiger uiym ókilderimen aldyn ala sóz bailasyp, metro qurylysy men ony jabdyqtaýǵa bólingen biýdjet qarajatyn júieli túrde jymqyrý shemasyn uiymdastyrǵan.
Osynyń saldarynan memleketke asa iri kólemde shyǵyn keltirilgen. Almaly aýdandyq sotynyń úkimimen atalǵan kásiporyn men merdiger uiymnyń 10 qyzmetkeri uzaq merzimge bas bostandyǵynan aiyrylyp, olardyń múlki tárkilendi. Sonymen qatar keltirilgen zalaldy birlesip óteý mindeti júkteldi.
Kassatsiialyq tekseris barysynda jymqyrylǵan qarajattyń bir bóligi — 127 million teńge basqa zańdy tulǵanyń esepshotynan anyqtaldy. Prokýrordyń narazylyǵy negizinde sot sheshimi ózgertilip, bul qarjy memleketke óndirildi.
Bas prokýratýra bul jaǵdaidy memlekettik qarjyǵa qol suqqandar úshin jaýapkershiliktiń bultartpastyǵyn kórsetetin naqty mysal retinde baǵalap otyr. Vedomstvo ókilderi biýdjet qarajatyn igerý barysynda barlyq qatysýshylar zańdylyq pen adaldyq qaǵidalaryn qatań saqtaýy tiis ekenin eskertti. Sebebi mundai quqyqbuzýshylyqtar memleket baqylaýynda bolyp, qatań jazaǵa ákeledi.
