فوتو: gov.kz
الماتى مەتروپوليتەنٸنٸڭ قۇرىلىسى كەزٸندە ورىن العان قارجى جىمقىرۋ ٸسٸ كاسساتسييالىق تەرتٸپپەن قايتا قارالىپ, جاڭا مەن-جايلار انىقتالدى. تەكسەرۋ نەتيجەسٸندە ٷشٸنشٸ بٸر زاڭدى تۇلعانىڭ بانك شوتتارىنان تابىلعان 127 ميلليون تەڭگە مەملەكەت پايداسىنا قايتارىلدى, دەپ حابارلايدى Ult.kz.
قازاقستان رەسپۋبليكاسى باس پروكۋراتۋراسى مەلٸمەتٸنشە, «مەتروپوليتەن» كوممۋنالدىق مەملەكەتتٸك كەسٸپورنىنىڭ لاۋازىمدى تۇلعالارى مەردٸگەر ۇيىم ٶكٸلدەرٸمەن الدىن الا سٶز بايلاسىپ, مەترو قۇرىلىسى مەن ونى جابدىقتاۋعا بٶلٸنگەن بيۋدجەت قاراجاتىن جٷيەلٸ تٷردە جىمقىرۋ سحەماسىن ۇيىمداستىرعان.
وسىنىڭ سالدارىنان مەملەكەتكە اسا ٸرٸ كٶلەمدە شىعىن كەلتٸرٸلگەن. المالى اۋداندىق سوتىنىڭ ٷكٸمٸمەن اتالعان كەسٸپورىن مەن مەردٸگەر ۇيىمنىڭ 10 قىزمەتكەرٸ ۇزاق مەرزٸمگە باس بوستاندىعىنان ايىرىلىپ, ولاردىڭ مٷلكٸ تەركٸلەندٸ. سونىمەن قاتار كەلتٸرٸلگەن زالالدى بٸرلەسٸپ ٶتەۋ مٸندەتٸ جٷكتەلدٸ.
كاسساتسييالىق تەكسەرٸس بارىسىندا جىمقىرىلعان قاراجاتتىڭ بٸر بٶلٸگٸ — 127 ميلليون تەڭگە باسقا زاڭدى تۇلعانىڭ ەسەپشوتىنان انىقتالدى. پروكۋروردىڭ نارازىلىعى نەگٸزٸندە سوت شەشٸمٸ ٶزگەرتٸلٸپ, بۇل قارجى مەملەكەتكە ٶندٸرٸلدٸ.
باس پروكۋراتۋرا بۇل جاعدايدى مەملەكەتتٸك قارجىعا قول سۇققاندار ٷشٸن جاۋاپكەرشٸلٸكتٸڭ بۇلتارتپاستىعىن كٶرسەتەتٸن ناقتى مىسال رەتٸندە باعالاپ وتىر. ۆەدومستۆو ٶكٸلدەرٸ بيۋدجەت قاراجاتىن يگەرۋ بارىسىندا بارلىق قاتىسۋشىلار زاڭدىلىق پەن ادالدىق قاعيدالارىن قاتاڭ ساقتاۋى تيٸس ەكەنٸن ەسكەرتتٸ. سەبەبٸ مۇنداي قۇقىقبۇزۋشىلىقتار مەملەكەت باقىلاۋىندا بولىپ, قاتاڭ جازاعا ەكەلەدٸ.
