Foto: Tengrinews.kz
Almaty metropoliteninde qosymsha quram jelige shyǵaryldy, - dep habarlaidy qala ákimdiginiń baspasóz qyzmeti.
"Jolaýshylar aǵynyn saraptaý nátijesinde Almaty metropoliteninde jyljymaly quram sany kóbeitildi. Endi qarbalas ýaqytta jelide 11 quram 5 minýt 38 sekýnd jiilikpen qyzmet kórsetedi", - delingen habarlamada.
Vedomstvo málimetinshe, oqý jylynyń bastalysymen jolaýshylar aǵyny 70 myńnan 90 myńǵa deiin ósti. Taldaý nátijesinde jolaýshylar sany kúnine 100 myńǵa deiin kóbeigendigi eskerilip, jelige qosymsha quram shyǵarý týraly sheshim qabyldanǵan.
"Ár quram jalpy syiymdylyǵy 900 adamnan asatyn 4 vagonnan turady".
Eske sala keteiik, Almaty metropoliteni 2011 jylǵy 1 jeltoqsanda iske qosyldy, qazirgi kezde 11 stantsiia bar. Ári qarai 4 stantsiianyń qurylysy boiynsha jumystar júrgizilip jatyr.
