فوتو: Tengrinews.kz
الماتى مەتروپوليتەنٸندە قوسىمشا قۇرام جەلٸگە شىعارىلدى, - دەپ حابارلايدى قالا ەكٸمدٸگٸنٸڭ باسپاسٶز قىزمەتٸ.
"جولاۋشىلار اعىنىن ساراپتاۋ نەتيجەسٸندە الماتى مەتروپوليتەنٸندە جىلجىمالى قۇرام سانى كٶبەيتٸلدٸ. ەندٸ قاربالاس ۋاقىتتا جەلٸدە 11 قۇرام 5 مينۋت 38 سەكۋند جيٸلٸكپەن قىزمەت كٶرسەتەدٸ", - دەلٸنگەن حابارلامادا.
ۆەدومستۆو مەلٸمەتٸنشە, وقۋ جىلىنىڭ باستالىسىمەن جولاۋشىلار اعىنى 70 مىڭنان 90 مىڭعا دەيٸن ٶستٸ. تالداۋ نەتيجەسٸندە جولاۋشىلار سانى كٷنٸنە 100 مىڭعا دەيٸن كٶبەيگەندٸگٸ ەسكەرٸلٸپ, جەلٸگە قوسىمشا قۇرام شىعارۋ تۋرالى شەشٸم قابىلدانعان.
"ەر قۇرام جالپى سىيىمدىلىعى 900 ادامنان اساتىن 4 ۆاگوننان تۇرادى".
ەسكە سالا كەتەيٸك, الماتى مەتروپوليتەنٸ 2011 جىلعى 1 جەلتوقساندا ٸسكە قوسىلدى, قازٸرگٸ كەزدە 11 ستانتسييا بار. ەرٸ قاراي 4 ستانتسييانىڭ قۇرىلىسى بويىنشا جۇمىستار جٷرگٸزٸلٸپ جاتىر.
