Almaty meshitterinde ekpe salý pýnkti ashyldy. Bul №8 qalalyq emhanasynyń bas dárigeri, Almaty qalasy Qoǵamdyq densaýlyq saqtaý basqarmasynyń Almaly aýdandyq meditsinalyq birlestiginiń úilestirýshisi Farida Aǵybaeva onlain brifing barysynda málim etti, dep habarlaidy QazAqparat.
Onyń aitýynsha, qazir qalada ekpe salatyn 211 pýnkt jumys istep jatyr. Sondai-aq 40 kóshpeli mobildi brigada bar.
«Onyń ishinde, egý pýnkterinde dini uiymdar da bar. «Qalqaman» aýmaǵyndaǵy jáne «Nur» meshitine kelýshilerge vaktsinatsiia pýnktteri ashylyp, jumys istep jatyr. 30 sáýirge deiin «Mýzammil», «Ál-Mádina», «Abdýlla», «Almaty ortalyq meshiti» meshitteriniń aýmaǵynda taǵy da birneshe pýnktter ashý josparlanýda. «Almaty ortalyq meshitiniń» vaktsinatsiialaý pýnkti jyljymaly jáne ujymdyq qyzmet kezinde jumys isteidi. Sondai-aq, «Voznesensk Kafedraldy shirkeýi» men «Hram Hrista Spasitelia» shirkeýinde ashyldy, olar jeksenbi kúni de jumys isteidi», - dedi Farida Aǵybaeva.
Egý pýnktterinde meditsina qyzmetkerlerine meditsinalyq joǵary oqý oryndary men kolledjderdiń eriktileri kómektesedi. Qazirgi kezde 364 internder men rezidentter jumys isteýde. Barlyǵy 975 adam oqydy.
2021 jylǵy 28 sáýirdegi jaǵdai boiynsha qalada 8 468 adam vaktsina saldyrdy. Onyń ishinde 316 adam otandyq ekpeni aldy.
«Infektsiiany juqtyrmaǵandar kezek kúttirmei egilgenderi jón, sonymen birge koronavirýspen aýyryp, jazylǵandar da qalmai vaktsinalanǵandary jón. Eldegi epidemiologiialyq jaǵdaidy tolyq baqylaýǵa alý vaktsinatsiialaý arqyly halyqty immýndaý deńgeii joǵary bolǵan jaǵdaida ǵana múmkin bolatyndyǵyn este ustaǵan jón. Halyq jappai vaktsinatsiialanbaiynsha, pandemiiany jeńý múmkin emes», - dep esepteidi Farida Aǵybaeva.
